بەيجىڭدە جۇڭگو از ۇلتتار جازۋشىلار قوعامى مەن «اقساي» قازاق ادەبيەتى قوعامى ۇيىمداستىرعان بايقاۋدىڭ ماراپاتتاۋ ءراسىمى ءوتتى دەپ حابارلايدى 24.kz.
مۇندا جەرگىلىكتى قازاق قالامگەرلەرىنىڭ پروزا، پوەزياداعى ءتول تۋىندىلارى مەن قىتاي-قازاق ادەبيەتىندەگى تىڭ شىعارمالار، تاڭدامالى اۋدارمالار باعالاندى. بايقاۋدا ءبىر جىل بويى از ۇلتتار تىلىندە باسىلىپ شىققان 107 ادەبي شىعارما سارالانىپ، قازىلار القاسى قازاق باسىلىمىنان 5 اۆتوردىڭ شىعارماسىن ۇزدىك دەپ تانىدى. باس جۇلدە – 20 مىڭ اقش دوللارىن ەرلان نۇردىحان ۇلىنىڭ «كولەڭكە كوزىندەگى ەلەس» جىر جيناعى ەنشىلەدى. ال، ايدوس امانتاي ۇلىنىڭ قىتايشا جازىلعان «ايدوس-شولپان» رومانى جاس قالامگەرلەر اراسىنان ۇزدىك شىقتى.
ايدوس امانتاي ۇلى، جازۋشى: - كوڭىل-كۇيىم دە تەبىرەنىپ تۇر. بۇل سىيلىق قىتاي-قازاق ادەبيەتىنىڭ كوركەيىپ كەلە جاتقانىن بىلدىرەدى ءارى بولاشاقتا ودان ءارى دامۋىنا كۇش بەرەدى دەپ ويلايمىن.
