قازاقستان مۇسىلماندارى ءدىني باسقارماسىنىڭ ءتوراعاسى سەرىكباي قاجى ورازدىڭ تاپسىرماسىنا وراي ءدىن قىزمەتكەرلەرى قۇربان ايت كۇندەرى (21-23 تامىز، 2018 جىل) ەلىمىز بويىنشا 61 191 وتباسىنا 439 توننا 943 كەلى قۇرباندىق ەتى تاراتىلدى.
مەشىت تاراپىنان تاراتىلعان قۇرباندىق ەتى قارتتار، جەتىمدەر ۇيلەرىنە، اۋرۋحانالار مەن قوعامدىق ۇيىمدارعا، الەۋمەتتىك از قامتىلعان وتباسىلارىنا، كوپ بالالى جانۇيالارعا، جەرگىلىكتى اكىمدىك ۇسىنعان ءتىزىم بويىنشا تۇرمىسى تومەن جەكە تۇلعالارعا ۇلەستىرىلدى. سونىمەن قاتار، بۇلدىرشىندەر مەن كامەلەتكە تولماعان بالالارعا ارنايى سىيلىقتار بەرىلدى.
"قۇربان ايتتا قۋاندىر" اتتى قايىرىمدىلىق اكسياسىنا ەلىمىز بويىنشا 2 مىڭنان استام مەشىت ۇلەس قوستى. مەشىت جانىنداعى ارنايى ورىندار مەن جەرگىلىكتى اكىمدىك بەلگىلەگەن نىسانداردا قۇربان شالىندى.
ايتا كەتەيىك، بيىل مۇسىلمان قاۋىمى قۇربان ايتتى 21 تامىزدان باستاپ تويلادى.
قمدب باسپا ءسوز قىزمەتى
ايتا كەتەيىك، بيىل مۇسىلمان قاۋىمى قۇربان ايتتى 21 تامىزدان باستاپ تويلادى.
قمدب باسپا ءسوز قىزمەتى
