قازاق ادەبيەتى اۋىر قازاعا ۇشىرادى. اسا كورنەكتى جازۋشى ورازبەك سارسەنباي دۇنيە سالدى. مارقۇممەن قوشتاسۋ ەرتەڭ 7 مامىر كۇنى ساعات 10:00-دە ع.مۇسىرەپوۆ اتىنداعى قازاق مەملەكەتتىك ااكدەميالىق جاسوسپىرىمدەر مەن بالالار تەاترىندا وتەدى.

سارسەنباي ورازبەك 1938 جىلى 20 تامىزدا قىزىلوردا وبلىسى، شيەلى اۋدانى، «جاڭا تۇرمىس» اۋىلىندا دۇنيەگە كەلگەن. 1962 جىلى قازاق مەملەكەتتىك ۋنيۆەرسيتەتىنىڭ فيلولوگيا فاكۋلتەتىن بىتىرگەننەن كەيىن، شيەلىدەگى ورتا مەكتەپتە قازاق ءتىلى مەن ادەبيەتى ءپانىنىڭ ءمۇعالىمى، رەسپۋبليكالىق جاستار گازەتى «لەنينشىل جاستا» ادەبي قىزمەتكەر، «جۇلدىز» جۋرنالىندا (1968–1973)، «قازاق ادەبيەتى» گازەتىندە (1974–1982) ءبولىم مەڭگەرۋشىسى، قازاقستان جازۋشىلار وداعىندا (1982–1986) ادەبي كەڭەسشى، 1987–1993 جج. «جازۋشى» باسپاسى¬نىڭ باس رەداكتورى، «ونەر» باسپاسىنىڭ ديرەكتورى (1993–1995) بولعان. 1996 جىلدان بەرى «قاينار» باسپاسىنىڭ ديرەكتورى. الپىسىنشى جىلداردىڭ باسىندا باسپا ءسوز بەتتەرىندە ونىڭ العاشقى ولەڭدەرى مەن اڭ-گىمەلەرى جاريالانعان. كەزىندە «لەنينشىل جاس» گازەتىندە باسىلعان «1961 جىل» اتتى پۋبليسيستيكالىق داستانى ادەبي، ساياسي ورتادا ۇلكەن داۋ-داماي تۋعىزىپ، ادىلەتسىز سىنعا ۇشىرايدى. وسى ۋاقىتقا دەيىن 20-عا جۋىق كىتابى شىققان. ول ءار جىلداردا ۆ.كورولەنكو، ۆ.يۆانوۆ، ف.ابراموۆ، ف.يسكاندەر، ت.ب. وزگە ۇلت جازۋشىلا¬رىنىڭ تاڭداۋلى اڭگىمەلەرىن قازاقشا سويلەتكەن. «قۇران كارىم»، «مۇحاممەد پايعامبارىمىزدىڭ حاديستەرى»، قاسيەتتى دۇعالار»، «ادال مەن ارام»، «مۇسىلماندىق ادەپ ساباعى»، «مۇحتاسار»، ت.ب. ونداعان كىتاپتاردى قازاقشاعا اۋدارۋ ىسىنە تىكەلەي ارالاسقان. و.سارسەنباي قالامىنان تۋعان اڭگىمەلەر نەگىزىندە «دولانا» اتتى («قازاق¬فيلم»، 1981، رەجيسسەرى س.نارىمبەتوۆ) كوركەمسۋرەتتى فيلم تۇسىرىلگەن. جەكە-لەگەن شىعارمالارى كوپتە¬گەن شەتەل تىلدەرىنە اۋدارىلعان. «ۋادە» اتتى پوۆەستەر مەن اڭگىمەلەر جيناعىنا قازاقستان جازۋشىلار وداعىنىڭ م.اۋەزوۆ اتىنداعى سىيلىعى (1987)، ال «شامشىراق» رومانى ءۇشىن حالىقارالىق «الاش» ادەبي سىيلىعى (1994)، «شەڭبەر» رومانى ءۇشىن قازاقستان رەسپۋبليكاسىنىڭ مەملەكەتتىك سىيلىعى بەرىلگەن (2000). «قۇرمەت»، «پاراسات» وردەندەرىمەن ماراپاتتالعان.