تانىمال قازاقستاندىق جۇلدىزداردىڭ ونەر كورسەتۋى قانشا تۇرادى؟ ەڭ قىمبات باعالاناتىن وتاندىق 10 ءارتىستىڭ ءتىزىمىن “ۆرەميا” باسىلىمى جاريا ەتتى.

جارتى ساعاتتىق ونەر كورسەتۋى ءۇشىن ەڭ كوپ اقشا الاتىن ءانشى – قايرات نۇرتاس. ونى ءوز مەرەكەڭە ءان ايتۋعا شاقىرۋ 8-10 مىڭ دوللارعا اينالادى. ال روزا رىمبايەۆا بولسا ءسال ازىراق سۇرايدى. ءانشى ونەرى ءۇشىن 6 مىڭ دوللار الادى ەكەن. ۇزدىك ۇشتىككە نۇرلان ابدۋللين كىردى. ول جان داۋىسپەن ءان شىرقاعانىنا 5-6 مىڭ دوللار سۇرايدى.

لۋينا مەن ءدىلناز احمادييەۆا بولسا ورتاڭعى شەپتەن كورىندى. لۋينانىڭ 30 مينۋتتىق ونەرى 1 ملن-عا، ياعني 5376 دوللارعا باعالانادى.  ال ءدىلناز احمادييەۆانىڭ سۇراۋى ءسال تومەنىرەك بولىپ شىقتى.  ءانشى 5 مىڭ دوللار الادى.

بۇركىت، “كەشYou” مەن بەيبىت قورعان 4 مىڭ دوللارعا ونەر كورسەتۋگە دايىن ەكەن. “ۇركەر” توبى بولسا ءان شىرقاۋىنا 3 مىڭ دوللار الادى.

تىزىمدەگى ەڭ قولجەتىمدى ءانشى اسحات تارعىنوۆ بولىپ شىقتى. ول ءوز ونەرىن 2 مىڭ دوللارعا باعالاپ وتىر.

باسىلىم تىلشىلەرى بۇل تەك كەشتە انشىلەردىڭ ونەر كورسەتۋى ءۇشىن ۇسىنىلعان باعالار ەكەنىن اتاپ ءوتتى. ولاردى وزگە قالاعا شاقىرۋ ءۇشىن قوسىمشا جول شىعىنىن وتەك قاجەت.