بۇگىن قازاقستاننىڭ حالىق ءارتىسى، بار قازاقتىڭ ابىز اقساقالى، الاشتىڭ ءاسانالىسىنىڭ تۋعان كۇنى.
م.اۋەزوۆ اتىنداعى قازاق مەملەكەتتىك اكادەميالىق دراما تەاترىنىڭ اكتەرى، رەجيسسەر، ق ر حالىق ءارتىسى ءاشىموۆ ءاسانالى بۇگىن 78 جاسقا تولدى.
ايگىلى اكتەر 1937 جىلى جامبىل وبلىسىندا تۋعان. قۇرمانعازى اتىنداعى مەملەكەتتىك كونسەرۆاتوريانى بىتىرگەن، دراما تەاترىنىڭ اكتەرى. ت.جۇرگەنوۆ اتىنداعى ۇلتتىق ونەر اكادەمياسىنىڭ پروفەسسورى.
1986 جىلى ءاسانالى اشىموۆكە «شوقان ءۋاليحانوۆ» ءفيلمى ءۇشىن قازاق كسر مەملەكەتتىك سىيلىعى بەرىلدى.
ءاسانالى ءاشىموۆتىڭ 1995 جىلى قازاق تىلىندە «مايرانىڭ ءانى»، 2007 جىلى «ارناۋ» بەس تومدىق شىعارمالار جيناعىن، 2008 جىلى «س ليۋبوۆيۋ ۆاش اسانالي اشيموۆ» كىتاپتارى جارىققا شىقتى.
ماراپاتتارى:
1973 جىل - «اتاماننىڭ اقىرى» فيلمىندەگى ءرولى ءۇشىن ك. بايسەيىتوۆا اتىنداعى قازاق كسر مەملەكەتتىك سىيلىعى
1974 جىلى - تەاترداعى جۇمىستارى ءۇشىن قازاق كسر مەملەكەتتىك سىيلىعى
1978 جىلى - قازاق كسر حالىق ءارتىسى
1980 جىلى - كسرو حالىق ءارتىسى
2000 جىلى - كينو ونەرىندەگى ەڭبەگى ءۇشىن «تارلان» تاۋەلسىز سىيلىعى
2001 جىلى - وتان» وردەنى
2002 جىلى - جامبىل وبلىسىنىڭ قۇرمەتتى ازاماتى
2003 جىلى - «قازاقى وقيعا» فيلمىندەگى ءرولى ءۇشىن 1 «شاكەن جۇلدىزدارى» كينوفەستيۆالى لاۋرەاتى
2007 جىلى - «قۇرمەت» وردەنى
2007 جىلى - الەمدىك كينوداعى زور ۇلەسى ءۇشىن يۋنەسكو حالىقارالىق اكادەمياسىنىڭ «التىن قىران» وردەنى
"قامشى" پورتالى ۇجىمى ءاسانالى ءاشىمۇلىن بۇگىنگى 78 جاسقا تولعان مەرەيتويىمەن قۇتتىقتاپ، زور دەنساۋلىق، وتباسى شاتتىعىن جانە تۆورچەستۆودا تابىستار تىلەيدى.
