رەسەيلىك "پەرۆىي كانال" تەلەارناسىنداعى "گولوس. دەتي" شوۋىنىڭ فينالىندا داۋىس بەرۋ بارىسىندا ءبىر ۇمىتكەردىڭ مۇددەسىن قورعاۋ فاكتىسى بايقالدى دەپ حابارلايدى Qamshy.kz اقپارات اگەنتتىگى ربك سايتىنا سىلتەمە جاساپ.

داۋىس بەرۋ ارقىلى سوڭعى كەزەڭگە "كاك مولودى مى بىلي" انىمەن كۋزاكوۆ، Adagio انىمەن ەرجان ماكسيم جانە "تى زدەس" تۋىندىسىمەن ابراموۆا ءوتتى. 56،5 پايىز كورەرمەن داۋىسىمەن جوبانىڭ جەڭىمپازى ابراموۆا اتانسا، 27،9 پايىز داۋىس ەرجاننىڭ ەنشىسىنە ءتيىپ، قالعان 15،6 پايىز داۋىس ۇلەسى كۋزاكوۆقا بۇيىردى.

"پەرۆىي كانال" الداعى ۋاقىتتا قورىتىندى جاساۋ بارىسىنداعى جۇمىس پروسەسىن قايتا تەكسەرمەكشى.

"قولدان جاسالعان داۋىس بەرۋدىڭ بەلگىلەرى بار. بەلگىلى ءبىر قاتىسۋشىنىڭ ىڭعايىنا قاراي بەيىمدەلۋدىڭ بار-جوقتىعىن تەكسەرۋ ءۇشىن ارنايى تەسكەرىس باستالدى"، - دەدى كونتەنت جاساۋشى كومپانيانىڭ ارنايى وكىلى.

بىرەر كۇن بۇرىن عانا اياقتالعان شۋلى ماۋسىمنىڭ قاتىسۋشىلارىنىڭ ءبىرى بولعان ۆالەريي مەلادزەنىڭ باسپا ءسوز حاتشىسى تاتيانا نيكولاشينا اتالمىش جايتقا قاتىستى پىكىر بىلدىرۋدەن باس تارتتى.

"ءبىز بۇل تۋرالى پىكىر بىلدىرمەيمىز"، - دەدى ول.

قىزى "گولوس" بايقاۋىنىڭ جەڭىمپازى اتانعان ءانشى السۋدىڭ ديرەكتورى سەرگەي فادەيەۆ تە ءازىر ەشقانداي پىكىر بىلدىرمەيتىنىن جەتكىزگەن.

شوۋدىڭ فينالدىق كەزەڭى 26-ساۋىردە ءوتىپ، وعان توعىز ۇمىتكەر قاتىستى:

سۆەتلانا لوبودانىڭ كومانداسىنان: ميكەللا، نينو چەسنەر، روبەرت باگراتيان؛

ۆالەريي مەلادزەنىڭ كومانداسىنان: اناستاسيا سيساۋري، ميحايل گريگوريان، ماكسيم ەرجان؛

پەلاگەيانىڭ كومانداسىنان: ماريام ابدەلكادەر، ۆالەريي كۋزاكوۆ، رەنات تايروۆ.

ابروموۆا – ءانشى السۋ مەن بانك قىزمەتشىسى يان ابراموۆتىڭ قىزى، لۋكويل-دىڭ بۇرىنعى توپ-مەنەدجەرى راليف ءسافيننىڭ نەمەرەسى.

«گولوس. دەتي» - ۆوكالدىق تەليەۆيزيالىق شوۋ. ءدال قازىرگى ۋاقىتتا اتالمىش جوبانىڭ التىنشى ماۋسىمى اياقتالدى.

ۇسىنعان: ادىلەت مادەنيەت