"گولوس. دەتي" بايقاۋىنىڭ ەكىنشى ورىن يەگەرى ەرجان ماكسيم تەگى تۋرالى ءتۇسىندىرىپ بەردى دەپ حابارلايدى Qamshy.kz اقپارات اگەنتتىگى.

قازاقتىڭ جارقىراپ شىعىپ كەلە جاتقان جارىق جۇلدىزى تۋرالى بىرەر مالىمەت ۇسىنساق.

ەرجان 2007 جىلدىڭ 1 قاڭتارىندا باتىس قازاقستاندا، ورال قالاسىندا دۇنيەگە كەلگەن. 

اكەسى - ەربول ناۋموۆ.

اناسى - گۇلميرا الىبەك. 

وتباسىنداعى ءۇشىنشى بالا. ەكى اپكەسى بار. 

ول ءتورت جاسىندا ءان ايتىپ باستاعان. اكەسىنىڭ قىرىق جاس مەرەيتويىندا ءان سالعان ۇلدارىنىڭ دارىنىن بايقاعان اتا-اناسى ونى جەرگىلىكتى جەردىڭ مادەنيەت ۇيىندەگى ۆوكال ۇيىرمەسىنە بەرەدى. جەتەكشىسى رەسپۋبليكالىق بايقاۋلاردىڭ لاۋرەاتى، ورال فيلارمونياسىنىڭ بەلدى مۇشەسى - داريا باقىتوۆا. 

9  جاسار ەرجان حالىقارالىق ساحنادا ەڭ العاشقى جەتىستىگىن كورسەتتى.

ول 2016 جىلى گرۋزيانىڭ باتۋمي قالاسىندا وتكەن «دەلفين فەست» انشىلەر فەستيۆالىنىڭ باس جۇلدەسىن قانجىعاسىنا بايلادى. 

ءبىر جىلدان كەيىن، ياعني 2017 جىلى يتاليادا وتكەن San Remo Junior فەستيۆالىندە سيمفونيالىق وركەسترمەن جاندى داۋىستا ءان شىرقاپ، فيناليست اتاندى.

ءدال سول جىلى ۆيتەبسكتەگى  «سلاۆيان بازارىندا» ەكىنشى ورىن يەگەرى بولدى.

2018 جىلى بالالار "ەۆروۆيدەنيەسىندە" فينالعا شىقتى. 

2019 جىلى رەسەيدە وتكەن "گولوس.دەتي" بايقاۋىنىڭ ەكىنشى ورىن يەگەرى اتاندى.

ءان ايتقاننان بولەك، ول فۋتبول ويناعاندى جاقسى كورەدى.  

مادەنيەت جانە سپورت ءمينيسترى ارىستانبەك مۇحامەديۇلىمەن كەزدەسۋىندە "نەگە تەگىڭ ماكسيم؟" دەگەن سۇراققا دا جاۋاپ بەردى. ەرجاننىڭ ايتۋىنشا، ونىڭ اتاسىنىڭ اتى ماقسىم بولعان. الايدا قۇجاتتا ماكسيم بولىپ جازىلىپ كەتىپتى.

وقي وتىرىڭىز، ♦ەرجان ماكسيم: بايقاۋ ءادىل ءوتتى، ءبىرىنشى ورىن الماعانىما وكىنبەيمىن

ۇسىنعان: ماقپال سەمباي