بيىل نۇر-سۇلتان قالاسىندا ۇلى وتان سوعىسىنىڭ ارداگەرلەرىنە 519 مىڭ تەڭگەدەن بەرىلەدى دەپ حابارلايدى Qamshy.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

نۇر-سۇلتاندا ۇلى وتان سوعىسىنىڭ 71 ارداگەرى تۇرادى. قالالىق جۇمىسپەن قامتۋ جانە الەۋمەتتىك قورعاۋ باسقارماسى ارداگەرلەر جانە مۇگەدەكتەرمەن جۇمىس ءبولىمىنىڭ باسشىسى گۇلزادا جەكەبايەۆانىڭ مالىمەتىنشە، ۇلى جەڭىستىڭ 74 جىلدىعىن مەرەكەلەۋ اياسىندا استانادا ۇوس ارداگەرلەرى مەن ولارعا تەڭەستىرىلگەن جاندارعا جالپى سوماسى 402 888،9 ملن تەڭگەنى قۇرايتىن الەۋمەتتىك كومەك قاراستىرىلعان.

"ۇلى وتان سوعىسىنىڭ 71 قاتىسۋشىسى 519 مىڭ تەڭگەدەن الادى؛ ۇلى وتان سوعىسىنىڭ قاتىسۋشىلارى مەن مۇگەدەكتەرىنە بەرىلەتىن جەڭىلدىكتەر مەن كەپىلدىكتەر بويىنشا تەڭەستىرىلگەن 332 ادام 22 725 تەڭگە (9 اەك) الادى؛ سوعىسقا قاتىسۋشىلارعا بەرىلەتىن جەڭىلدىكتەر مەن كەپىلدىكتەر بويىنشا تەڭەستىرىلگەن وزگە ساناتتاعى 3 519 ادام 11 363 تەڭگەدەن (4،5 اەك) الادى"، – دەدى گۇلزادا جەكەبايەۆا. سوعىس ارداگەرلەرى مەن ولارعا تەڭەستىرىلگەن ادامدار ءۇشىن كوممۋنالدىق قىزمەتتەردى تولەۋگە اقشالاي وتەماقى قاراستىرىلعان. وتەماقى 1 609 ادامعا بەرىلەدى. ونىڭ جالپى سوماسى 127 054 مىڭ تەڭگەنى قۇرادى.

ۇلى وتان سوعىسىنىڭ ارداگەرلەرى جانە ولارعا تەڭەستىرىلگەن 2 700 ادامدى دارىمەن قامتاماسىز ەتۋگە جالپى سوماسى 33 500 مىڭ تەڭگە قاراستىرىلعان. 71 ادام (جالپى سوماسى 1 214،5 مىڭ تەڭگە) مەرزىمدى باسىلىمدارعا، مونشاعا جانە شاشتاراز سالوندارىنا بارۋ ءۇشىن الەۋمەتتىك كومەك الادى. ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن ادامدارعا ارنالعان ساناتوريي-كۋرورتتىق ەمدەۋمەن 395 ادام قامتىلادى (60 830 مىڭ تەڭگە).

جەكەبايەۆانىڭ ايتۋىنشا، اۋعانستاننان اسكەردى شىعارۋدىڭ 30-جىلدىعىنا وراي قوسىمشا اۋعانستانداعى سوعىس قيمىلدارىنا قاتىسۋشىلاردىڭ قاتارىنان ۇلى وتان سوعىسىنىڭ قاتىسۋشىلارى مەن مۇگەدەكتەرىنە تەڭەستىرىلگەندەرگە جەڭىلدىكتەر مەن قوسىمشا الەۋمەتتىك كومەك كورسەتىلدى. 30 مىڭ تەڭگە كولەمىندەگى تولەمدى 1 264 ادام الدى.

ودان بۇرىن 1 267 ادامعا 28792،6 مىڭ تەڭگە تولەندى، سوندىقتان ينتەرناسيوناليست جاۋىنگەرلەردىڭ جىل سايىن العان الەۋمەتتىك كومەك ەسەبىمەن قوسا ەسەپتەگەندە جالپى سوماسى 52725 تەڭگەنى قۇرادى. بۇدان باسقا، ۇلى وتان سوعىسىنىڭ ارداگەرلەرى مەن ولارعا تەڭەستىرىلگەن ادامدار قالالىق جولاۋشىلار كولىگىندە جەڭىلدىكپەن جول جۇرۋگە جانە تەگىن ءتىس پروتەزدەۋگە قۇقىلى.

ۇسىنعان: ماقپال سەمباي