ۇرپاق تاربيەسى –ۇلت بولاشاعى. تارازدا "رۋحاني جاڭعىرۋ" باعدارلاماسى اياسىندا "ۇلتتىق جاڭعىرۋ - تۋعان جەر تۇتاستىعى مەن ەل بولاشاعىنىڭ نەگىزى"  تاقىرىبىندا سەمينار  ءوتتى. سەمينارعا عالىم پەداگوگتار مەن ۇستازدار جانە تاربيەشىلەر قاتىستى.  وندا وسكەلەڭ ۇرپاق بويىنا ءپاتريوتيزمدى ءسىڭىرۋ، تۋعان ولكەنىڭ قۇندىلىقتارىن دارىپتەۋ باعىتى قامتىلعان دەپ حابارلايدى Qamshy.kz اقپارات اگەنتتىگى تاراز ارناسىنا سىلتەمە جاساپ. 

پەداگوگتار اراسىندا وتكەن سەمينار تاجىريبە الماسۋدى كوزدەيدى. "تۋعان جەر" باعدارلاماسى  بويىنشا مەكتەپ جاسىنا دەيىنگى بالالاردىڭ رۋحاني تانىمىن قالىپتاستىرۋ. "ايساۋلە" بوبەكجايىندا 2013-2017 جىلدارى عىلىمي ەكسپەرميمەنتتىك "ولكەتانۋ" جوباسى جۇرگىزىلگەن بولاتىن. ەندى مىنە، سول جوبانىڭ نەگىزىندە مۇندا ءتۇرلى بايقاۋلار، تاجىريبەلىك ساباقتار ۇزبەي وتكىزىلىپ كەلەدى.

"سەميناردا جيىرمادان استام مەكتەپكە دەيىنگى ءبىلىم مەكەمەلەرىنىڭ باسشىلارى قاتىسىپ جواعرى بىلىكتى ماماندارمەن  تاجىريبە الماستى. بالا تاربيەسىنىڭ جاڭا فورماتى پراكتيكالىق تۇرعىدا تالداندى. بالدىرعاندار  "ايشا ءبيبى" ساحنالىق قويىلىمىن تاماشا سومداپ، "وتان انا"، "كوكتەم" كومپوزيسيالارىن ەركىن ويناپ شىقتى. وسىنداي سان قىرلى  ساباقتار ارقىلى "ماڭگىلىك ەل" ۇرپاعىنىڭ رۋحاني بولمىسىن  قالىپتاستىرۋ باستى مىندەتىمىز- دەيدى، ۇيىمداستىرۋشىلار"، - دەيدى تارمۋ دوسەنتى ىرىستى كەرىمبايەۆا.

"سەمينار بارىسىندا  ۇستازدار بالامەن جۇمىس جاساۋدىڭ تىڭ تاسىلدەرىن ۇسىندى.  ادەت-عۇرىپ، مادەني داستۇرلەردى بەرىك ساقتاي وتىرىپ، "كيىز باسۋ" تەحنولوگياسىن كورسەتتى. ەندى، پەداگوگتار   ۇلتتىق تاربيە بەرۋدىڭ زاماناۋي ۇردىستەرىن  ءارى قاراي دامىتۋعا نيەتتتى"، - دەيدى بوبەكجاي مەڭگەرۋشىسى نۇرزادا مامبەتوۆا.

ۇسىنعان: ادىلەت مادەنيەت