ماڭعىستاۋ وبلىسىنىڭ كاسىپكەرلەر پالاتاسىنا قاراستى كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل كەڭەسى مۇشەلەرى جاڭاوزەن قالاسىنىڭ كاسىپكەرلەرىمەن كەزدەستى. وندا جەكە كاسىپكەرلەردىڭ ۇجىمدىق ارىزدارى بويىنشا جاڭاوزەن قالاسى اكىمدىگىنىڭ تاراپىنان كاسىپكەرلىك ماقساتتاعى جەر ۋچاسكەسىنە جەكە مەنشىك قۇقىعىن بەرۋدەن جانە جەر ۋچاسكەلەرىنىڭ پايدالانۋ مەرزىمدەرىن ۇزارتۋدان زاڭسىز باس تارتۋى جوندەگى تالاپتارى قارالدى.

جيىندى مو كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ ءتوراعاسى شىمباي سۇلتانوۆ اشىپ بەردى.

         مالىمەتتەرگە جۇگىنسەك، كاسىپكەرلەر 2016 جىلى جاڭاوزەن قالاسى اكىمدىگىنىڭ جەر ۋچاسكەلەرىن تابىستاعانىن جانە ونىڭ باسىم كوپشىلىگىنىڭ تولىق يگەرىلگەنىن، الايدا، جەر ۋچاسكەسىنىڭ پايدالانۋ مەرزىمىن ۇزارتۋ، جەكە مەشىك قۇقىعىن بەرۋ تۋرالى ارىزدارىنا جاڭاوزەن قالاسىنىڭ اكىمدىگى پروكۋراتۋرانىڭ ۇسىنىسىن نەگىزگە الىپ، زاڭسىز باس تارتىپ، اۋرە-سارساڭعا سالۋ ارەكەتتەرىنىڭ بولعانىن مالىمدەدى.

ماسەلەن، وسى شاھاردىڭ كاسىپكەرى ب. سەريكبايەۆ ماڭعىستاۋ وبلىسىنىڭ كاسىپكەرلەر پالاتاسىنان ءوز قۇقىعىن قورعاۋدى سۇراعان ەدى. راحات اۋىلى اكىمىنىڭ جەر تەلىمىن پايدالانۋ مەرزىمىن ۇزارتۋ تۋرالى شەشىمى قابىلدانعانىنا قاراماستان ىسكەردىڭ قۇقىعى شەكتەلىپ، كەلىسىم-شارتقا قول قويىلماي وتىرعاندىقتان جەر قاتىناستارى ءبولىمىنىڭ لاۋازىم يەسىنە شارا قولدانۋ تۋرالى ارىزى ماڭعىستاۋ وبلىسىنىڭ كاسىپكەرلەر پالاتاسىندا قارالدى.

«شىن مانىندە، راحات اۋىلى اكىمىنىڭ 01.03.2019 جىلعى شەشىمىمەن راحات اۋىلى، «اقسۋ» شاعىن اۋدانى، ءو.تاجىعالييەۆ كوشەسىنەن دۇكەن جانە دوڭگەلەك جوندەۋ شەبەرحاناسىنىڭ قۇرىلىسىن سالۋ جانە پايدالانۋ ءۇشىن بەرىلىپ، جالپى كولەمى 0،0324 گا.، جەر ۋچاسكەسىنىڭ مەرزىمىنىڭ اياقتالۋىنا بايلانىستى، ونىڭ پايدالانۋ مەرزىمى 2 جىلعا ۇزارتىلعان.دەگەنمەن، جاڭاوزەن قالالىق جەر قاتىناستارى ءبولىمىنىڭ لاۋازىم يەلەرى ق ر جەر كودەكسىنىڭ 43- بابى 7- تارماعىنىڭ تالاپتارىن ورەسكەل بۇزا وتىرىپ، قاۋلى قابىلدانعان كۇننەن باستاپ ون جۇمىس كۇنى ىشىندە كەلىسىم-شارت جاساقتاماي، پروكۋراتۋرا ورگانىمەن جەردى پايدالانۋ مەن قورعالۋىن قاداعالاۋ باسقارماسىنا ۇسىنىس بەرىلدى دەگەن جالعان سىلتاۋمەن، شارت جاساقتاماي كەلگەن»،- دەيدى كاسىپكەر.

ارىزدا كورسەتىلگەن ۋاجدەر بويىنشا ءتيىستى شارا قابىلداپ، بۇزىلعان زاڭدى قالپىنا كەلتىرۋ تۋرالى قالا اكىمىنە جانە پروكۋراتۋراعا كاسىپكەرلەر پالاتاسىمەن حات جولدانىپ، كەلىسسوزدەر جۇرگىزىلدى.

ونىڭ ۇستىنە، ساتىپ الۋ-ساتۋ نەمەسە ۋاقىتشا وتەۋلى (وتەۋسىز) جەر پايدالانۋ شارتىن جاساسۋ مەرزىمدەرىن بۇزعانى ءۇشىن، جەر قاتىناستارى ءبولىمىنىڭ باسشىسىنا ق ر اكىمشىلىك قۇقىق بۇزۋشىلىق تۋرالى كودەكسىنىڭ 137- بابىنىڭ 1-تارماعىنىڭ 15-تارماقشاسى بويىنشا اكىمشىلىك قۇقىق بۇزۋشىلىق ءوندىرىسىن قوزعاۋ تۋرالى ماڭعىستاۋ وبلىسىنىڭ جەردىڭ پايدالانۋى مەن قورعالۋىن قاداعالاۋ باسقارماسىنا ۇسىنىس جولداندى.

مەملەكەتتىك ورگاندار تاراپىنان ءتيىستى شارا قابىلدانباعاندىقتان كاسىپكەرلەر پالاتاسى جانىنداعى كاسىپكەرلەردىڭ قۇقىن قورعاۋ جانە سىبايلاس جەمقورلىققا قارسى كۇرەس كەڭەسىنىڭ كوشپەلى وتىرىسى ۇيىمداستىرىلىپ، جەر قاتىناستار ءبولىمىنىڭ باسشىسى قاتەلىكتەرىن تولىق مويىندادى.

وسى ورايدا، كەڭەس جۇمىسىنا قاتىسىپ، تۇسىنىك بەرگەن قالا پروكۋرورىنىڭ ورىنباسارى دا جەر قاتىناستارى ءبولىمى باسشىسىنىڭ جاۋابىن جوققا شىعارىپ، زاڭ تالابىنا ساي شەشىم قابىلداۋدى تالاپ ەتتى.

جاڭاوزەن قالالىق جەر قاتىناستارى ءبولىمىنىڭ باسشىسىم.ۋيسەنوۆتىڭ ايتۋىنشا، 2016 جىلى 42 كاسىپكەرگە زاڭسىز جەر ۋچاسكەلەرى تابىستالعان. بۇل ماسەلە بويىنشا 2018 جىلى جاڭاوزەن قالالىق پروكۋراتۋراسىنىڭ ۇسىنىسى كەلگەن. سونىڭ نەگىزىندە كاسىپكەرلەردىڭ ارىزدارى ۋاقىتشا توقتاتىلعان. جيىندا ءوزىنىڭ زاڭسىز ارەكەتىن ءتۇسىنىپ، ب.سەريكبايەۆتىڭ جەر پايدالانۋ شارتىن جاساقتاپ بەرگەنىن جانە كەڭەستىڭ حاتتاماسى نەگىزىندە، جەكە كاسىپكەر ج.تورشايەۆانىڭ جەر ۋچاسكەسىنە جەكە مەنشىك قۇقىعىن بەرۋگە جانە كاسىپكەرلەردىڭ جەر ۋچاسكەلەرىنىڭ پايدالانۋ مەرزىمدەرىن زاڭ شەڭبەرىندە ۇزارتۋعا جۇمىستاناتىنىن مالىمدەدى.

         كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى ءىس-قيمىل جونىندەگى كەڭەستىڭ حاتشىسى، وڭىرلىك كاسىپكەرلەر پالاتاسى ديرەكتورىنىڭ ورىنباسارى ءا.جانايەۆ: «كاسىپكەرلەر پالاتاسىنىڭ ماقساتى - كاسىپكەرلەردىڭ دامۋىنا ۇلەسىن قوسىپ، اكىمشىلىك كەدەرگىلەر تۋىنداعان جاعدايدا كومەك كورسەتۋ ەكەنىن تۇسىندىرە وتىرىپ، قولدانىستاعى زاڭ تالاپتارىنا سايكەس كاسىپكەرلەردىڭ جەر ۋچاسكەلەرىنىڭ پايدالانۋ مەرزىمدەرىن ۇزارتىپ بەرۋ قاجەت ەكەنىن، ال ەگەردە نەگىزسىز باس تارتۋ قايتالانعان جاعدايدا جاۋاپتى لاۋازىمدى تۇلعانىڭ زاڭبۇزۋشىلىق ارەكەتىنە قۇقىقتىق باعا بەرۋ ءۇشىن ءتيىستى قۇزىرلى ورگاندارعا ۇسىنىس جاسالاتىنىن ەسكەرتەمىز»،- دەدى.

         كەڭەس سوڭىندا جاڭاوزەن قالاسى اكىمدىگىنىڭ تاراپىنان جىبەرىلگەن زاڭ بۇزۋشىلىقتار الداعى ۋاقىتتا ورىن الماۋى ءۇشىن وبلىس اكىمىنە شارا الۋ ءۇشىن اقپاراتتىق حات جولداناتىن بولدى.