ءانۋاردىڭ تۇساۋىن مادينا روزا رىمبايەۆاعا قيعىزعان بولاتىن. ارتىنشا ورازاعا ءبىر كۇن قالعاندا دۇركىرەتىپ تۋعان كۇنىن تويلادى. كوپتەگەن انشىلەر قاۋىمى جينالىپ، ۇلىنا جاقسى تىلەكتەر مەن باتاسىن ايتتى.
الماراسانداعى قازاقي ناقىشتا ورنەكتەلگەن، تابيعات اياسىندا، تاعامدارى ەرەكشە «الما ساي» مەيرامحاناسىنا ەلىمىزدەگى جۇلدىزداردىڭ قاتىسۋىمەن ءانۋاردىڭ ءبىر جاسقا تولعان تۋعان كۇنى اتالىپ ءوتتى. ارنايى ۇيىمداستىرۋشىلار ءتۇرلى شارلارمەن مەيرامحانا الدىن بەزەندىرىپ، انيماتورلار كەلگەن قوناقتىڭ كوڭىلىن اۋلاپ ءجۇر. كوپتەگەن ونەر ادامدارى، ونىڭ ىشىندە نۇرلان البان ءانۋارعا كولىكتىڭ كىلتىن تاپسىرىپتى. سونداي-اق، دوسى، اكتەر ازامات ساتىبالدى «باتىرلار ەپوسى» كىتابىن سىيعا تارتىپتى. وسكەندە مىندەتتى ءتۇردى وقىتامىز دەيدى،-مادينا. تويدى ولجاستىڭ دوستارى باسقارىپتى. تۋعان كۇندە سۇيىكتى ءانشىسى روزا قۋانىش قىزى مەن ۇلى ءالي دە توبە كورسەتتى.
