2015 جىلى دزيۋدودان استانادا ءوتىپ جاتقان  الەم چەمپيوناتىندا  60 كەلى سالماقتا تۇڭعىش قازاق ۇلتىنىڭ ۇلانى الەم چەمپيونى اتاندى.  بۇل تۋرالى «قامشى» پورتالى «قازاقستان» ارناسىنا سىلتەمە جاساي وتىرىپ  حابارلايدى.

ەلورداداعى دزيۋدو دوداسىندا  60 كەلى سالماقتا ەلدوس سمەتوۆ الەم چەمپيونى اتانىپ، قازاقستان دزيۋدوسى تاريحىنداعى ەكىنشى التىن مەدالدى يەلەندى.  ايتا كەتەيىك، بيىلعى استانادا ءوتىپ جاتقان الەم چەمپيوناتىن كەزىندە  2016 جىلعى وليمپيادا ويىندارىنىڭ جولداماسىنا نەگىزگى ۇپايلار تاراتىلۋدا.

ەستەرىڭىزگە سالا كەتەيىك، وسىعان دەيىن قازاقستاندىق  دزيۋدوشى ماكسيم راكوۆ الەم چەمپيونى اتانسا، ەندى قازاق ەلدوس سمەتوۆ قازاقستان قورجىنىنا تاعى ءبىر التىن مەدەلدى اكەلىپ، تاريحقا اتىن التىن ارىپپەن جازدى. استاناداعى دزيۋدودان الەم چەمپيونىنىڭ  تاريحىندا فينالدىق كەزەڭگە قوس قازاقستاندىق – رۋستام يبرايەۆ پەن ەلدوس سمەتوۆتار ءبىر سالماق دارەجەسىندە كەزدەسىپ، ەلدوس سمەتوۆ جۇلدەلى بولدى.  قازاق دزيۋدوشىلارىنىڭ اراسىندا ماكسيم راكوۆتان كەيىن ەكىنشى بولىپ التىن مەدالعا يە بولۋ، الەم چەمپيونى بولۋ ۇلكەن جەتىستىك ەكەنىن ەسكەرسەك، الەم چەمپيوناتىنىڭ فينالىندا قوس بىردەي قازاقستاندىقتىڭ كەزدەسۋى تاريحتا بولماعان.

ەلدوس سمەتوۆ،  دزيۋدودان الەم چەمپيونى:

-بۇل چەمپيونات ءوز توپراعىمىزدا ءوتىپ جاتقان سوڭ، ءوز ەلىمىزدە، ءوز جەرىمىزدە وزگە ۇلتتىڭ ءانۇرانىن شىرقاتىپ قويعاندى نامىس كورىپ، ءوزىمىزدىڭ گيمندى ورىنداتۋ الدىعا قويعان ماقساتتارىمىزدىڭ ءبىرى ەدى.  ەرەكشە تولقىپ تۇرمىن. جانكۇيەر بولعان حالىققا راحمەت.

نۇرزات توعجان