جاقىندا امەريكالىق «گوللۋۆۋدتىڭ» www.hollywoodreporter.com سايتى «وسكار: قازاقستاندىق «جات» شەت تىلىندەگى فيلم كاتەگورياسى بويىنشا قاتىسۋعا مۇمكىندىك الدى» (Oscars: Kazakhstan Selects 'Stranger' for Foreign-Language Category) اتتى ماقالا جاريالاعان. بۇل تۋرالى «قامشى» پورتالى حابارلايدى.
2013 جىلى امەريكا كينواكادەمياسى سىيلىعىن العان ەرمەك تۇرسىنوۆتىڭ «جات» كينو كارتيناسى تورونتوداعى كينوفەستيۆالعا جولداما الىپ، قىركۇيەك ايىندا ءفيلمنىڭ پرەمەراسى اتالمىش فەستيۆالدە وتەدى.
امەريكالىق www.hollywoodreporter.com سايتى، قازاقستان ۇزدىك شەتەلدىك وسكارعا ءوز كانديداتۋراسىن جاريالادى. ول ەرمەك تۇرسىنوۆتىڭ «جات» (Stranger) تۋىندىسى، دەپ جازادى.
بۇل ەرمەكتىڭ وسكارعا جولداما العان ءۇشىنشى كارتيناسى. وسىعان دەيىن 2010 جىلى «كەلىن» ءفيلمى بايگەنىڭ ىرىكتەۋ كوزەڭىنەن ءوتىپ، 2013 جىلى شال (Old Man) قاتىسقان بولاتىن.
قىركۇيەكتە تورونتا قالاسىنداعى كينوفەستيۆالدە الەمدىك پرەمەراسى وتەتىن «جات» ءفيلمى قازاق كوشپەندىلەرىنىڭ قاتال ورتاداعى ءومىرى تۋرالى 105 مينۋتتىق زەرتتەۋ جۇمىسىنىڭ قورىتىندىسى بولىپ تابىلادى.
فيلم ءومىر ءسۇرۋ ءۇشىن ۇڭگىرگە تىعىلىپ، 30-شى جىلداردىڭ اشتىعىن كورگەن، سودان امان قالعان نۇرىمبەت پەن ەرجاننىڭ عۇمىرى تۋرالى جانە ستاليندىك دەپورتاسيالاۋ جانە دۇنيە جۇزىلىك سوعىس كەزىندەگى ءوزى قوعامنىڭ وكىلى بولعان ءىلياستىڭ ءومىرى تۋرالى باياندالادى.
ەستەرىڭىزدە بولسا، «قامشى» پورتالى «ەرمەك تۇرسىنوۆتىڭ تاعى ءبىر تۋىندىسى وسكاردان ءۇمىتتى» اتتى ماقالا جاريالاعان بولاتىن.
ءيا، وسى ۋاقىتقا دەيىن قازاقستاندىق كارتينالاردىڭ بريسبەن فەستيۆالىنە دە سوڭعى رەت قاشان قاتىسقانى بەلگىسىز. ال ءوز كەزەگىندە بريسبەن – ول «ازيا وسكارى» ەكەنىن ەسكەرسەك، قازاقستاندىق رەجيسسەرلەرگە توقىراۋ كەلگەن بە دەپ ويلاپ قالۋىمىز ابدەن مۇمكىن ەدى. وسىعان دەيىن وسكار شاقىرتۋ بەرگەن ءۇش كارتينانىڭ دا اۆتورى ەرمەك تۇرسىنوۆ ەكەنىن ەسكەرسەك، بۇل دا جامان كورسەتكىش ەمەس-تى. ال وسى جولعى تورونتودا وتەتىن حالىقارالىق كينوفەستيۆالگە (Toronto International Film Festival) تۇرسىنوۆتىڭ تاعى ءبىر تۋىندىسىنا شاقىرتۋ بەرىپ، حالىقارالىق اكادەميا ءوز اتىنان ۇسىنۋى كوڭىل قۋانتارلىق جاڭالىق بولعانى جاسىرىن ەمەس. تاعى ءبىر ايتا كەتەتىنى، «جات» - Dolby Atmos كوپكانالدى دىبىستى فورماتىندا تۇسىرىلگەن تۇڭعىش قازاقستاندىق كارتينا.
اعىلشىن تىلىنەن اۋدارعان نۇرگەلدى ءابدىعاني ۇلى
