ينديرا راسىلحاننىڭ «قوشتاسۋ» اتتى انىنە بايلانىستى ۇلكەن داۋ تۋدى. ينديرانىڭ اتالمىش ءانىن جاس ءانشى جانار داۋكەيەۆا رۇقساتسىز ۇرلاپ الىپ، ءوزىنىڭ ءانى رەتىندە حالىققا تانىستىرعان. بۇل تۋرالى "قامشى" پورتالى baistars.kz-كە سىلتەمە جاساي وتىرىپ حابارلايدى.

وسى ورايدا ينديرا راسىلحاننىڭ جانارعا دەگەن وكپەسى قارا قازانداي.

«مەنىڭ وسى ءانىمدى  رۇقساتىمسىز ايتىپ جۇرگەنىن بۇگىن ەستىپ، ءوزىم تاڭ قالدىم. سوندا بىزدە ءانشىنىڭ ءقادىرى قايدا قالدى دەگەن وي قاتتى مازالاپ وتىر. ايتىلىپ قويعان ءاننىڭ ارقاسىندا تانىمال بولعىسى كەلىپ جۇرگەن ول — جانار داۋكەيەۆا. ارعى جاعىن وزدەرىڭىز سارالاڭىزدار»، — دەپ ءانشى رەنىشىن ءبىلدىردى.

بۇل ماسەلەگە بايلانىستى اقبوتا كەرىمبەكوۆا دا ءوز پىكىرىن بىلدىرە وتىرىپ، جانارعا ءاندى ءوز ورىنداۋشىسىنا قايتارۋى كەرەك ەكەنىن ايتتى.

«بۇل ءاندى  تۋعان كۇنىمە وراي باۋىرجان ەڭ العاش ماعان ءوزى سىيلاعان بولاتىن. كەيىننەن ينديرا ءسىڭىلىم ءاندى قاتتى ۇناتقان سوڭ وعان سىيلادىم. ونەردە، حالىقتىڭ الدىندا جۇرگەندىكتەن ءان ءۇشىن ۇرىسىپ، تالاسپايىق. بۇل ءاندى ينديرانىڭ ءوزى ورىنداعانى دۇرىس دەپ ەسەپتەيمىن. سوندىقتان جانار رەنجىسپەي ءانىن ينديرانىڭ وزىنە قايتارىڭىز»، —  دەدى اقبوتا.