ول «ەۋرازيالىق توپ (ERG) قۇرامىنداعى «قازحروم» تۇك» اق فيليالى – اقسۋ فەرروقورىتپا زاۋىتىنىڭ ەكولوگيالىق باعدارلاماسىن اشىق تۇردە تالقىلايتىن تىڭداۋلار بارىسىندا جاريالادى.
الىپ زاۋىتتىڭ قورشاعان ورتانى قورعاۋ ءبولىمىنىڭ باستىعى يننا داۆىدوۆانىڭ ايتۋىنشا، ءوندىرىس ورنى وڭىردەگى تابيعاتتى قورعاۋ شارالارىنا بەلسەندى تۇردە قاتىسادى. ياعني، جىل سايىن قارجىلاي قاراجات بولىنەدى. مىسالى، كاسىپورىننىڭ بيىلعى جىلعا ارنالعان تابيعاتتى قورعاۋ باعدارلاماسى 21 شارانى قامتيتىن 8 بولىمنەن تۇرادى، ولاردى جۇزەگە اسىرۋعا «قازحروم» كومپانياسى تاراپىنان 3 ملرد.تەڭگە ءبولىنىپتى. ءدال وسىنداي ماقساتتى قارجىلار اقسۋ فەرروقورىتپا زاۋىتىنىڭ ەكولوگيالىق جوبالارىنا ساي الداعى جىلى دا جوسپارلانۋدا. بۇعان وندىرىستەگى №4 بالقىتۋ سەحى فەرروقورىتپا پەشتەرىنىڭ گازدان تازالاۋ كەشەندەرىنىڭ قايتا قۇرىلۋى دالەل. بۇل ەكولوگيا تالاپتارى ءۇشىن ۇلكەن جەتىستىك.
بۇدان باسقا، 2013-2015 جىلدار ارالىعىندا №41، 45، 46 پەشتەرىندەگى جاڭا گازتازالاعىشتار قۇرىلىسى اياقتالدى. ناتيجەسىندە، زاۋىت اتموسفەراعا شىعارىلاتىن جاعىمسىز قالدىقتار كولەمىن جىلىنا 360 تونناعا تومەندەتىپ وتىر. كەلەسى جىلى №44 پەشتىڭ گازتازالاعىشىن قايتا قۇرۋ جوباسى ازىرلەنۋدە. ال №6 بالقىتۋ سەحىنىڭ فراكسيالاۋ تورابى اسپيراسيالاۋ ۋچاسكەسىن جاڭالاۋ اتموسفەراعا شىعارىلاتىن قالدىقتاردى جىلىنا 20 تونناعا ازايتادى. كاسىپورىننىڭ گاز تازالاۋ جابدىعى جۇمىسىنىڭ جالپى تيىمدىلىگىنە زاۋىت فەرروقورىتپا پەشتەرىنىڭ گاز تازالاعىشتارىنداعى سۇزگىلەردى جوسپارلى اۋىستىرۋ دا سەپتىگىن تيگىزەدى.
جاعالاۋ جانە سۋ ەكوءجۇيەلەءرىن قورعاۋ شەڭبەرىندە زاۋىتتىقتاردىڭ جاقسى كورەتىن دەمالىس ورىندارى – باياناۋىلداعى «الاۋ» دەمالىس ءۇيىن كۇتىپ، تازالاۋ، اينالاسىنداعى تابيعاتتى قورعاۋ شارالارى دا جالعاسىن تابۋدا. توپىراقتىڭ لاستانۋىن جانە سابىندىكول كولىنىڭ باتپاقتانۋىن بولدىرماۋ ءۇشىن اۋماقتىڭ 10 گەكتار جەرىن تازالاپ، 2000 م2 اۋماعىنداعى قامىستى جيناۋ قاراستىرىلۋدا. الداعى جىلى №1 كۇلدى كونسەرۆاسيالاۋ كوزدەلگەن. فلورا مەن فاۋنانى قورعاۋ ءۇشىن كاسىپورىن اۋماعىندا 2008 جىلدان باستاپ 20 مىڭنان استام كوشەت وتىرعىزىلدى. الدا تاعى دا 150 جاس اعاش ەگىلەدى. ءوندىرىستىڭ جانە تۇتىنۋدىڭ نەگىزگى قالدىقتارىن دۇرىس قولدانۋعا فەرروحروم قالدىقتارىن دا قايتا وڭدەۋ مۇمكىندىك بەرەدى. سوعان وراي، 940 مىڭ توننا جوعارى كومىرتەكتى فەرروحروم قالدىقتارى قايتا وڭدەلمەكشى. ال 2000 توننا وندىرىستىك شاڭ كاسىپورىننىڭ اگلومەراسيالىق سەح وندىرىسىنە قايتارىلادى. جانە «سمارت-اش» جانە «كوستەر» ارنايى قوندىرعىلارىندا مايلانعان قالدىقتاردى جويۋدى زاماناۋي تەحنولوگيا قامتاماسىز ەتەءدى. جىلىنا 2000 توننا ماي ۇنەمدەلەدى.
زاۋىت قورشاعان ورتاعا ەرەكشە تالاپپەن قاراۋدى ناسيحاتتايدى. كاسىپورىننىڭ ۇيىمداستىرۋىمەن ەكولوگيالىق كۋرستاردىڭ تىڭداۋشىلارى رەتىندە 97 جۇمىس توپتارى جۇمىس جاسايدى. جۇرتشىلىقتىڭ ەكولوگيالىق مادەنيەتىن ارتتىرۋ ماقساتىندا زاۋىت بۇقارالىق اقپارات قۇرالدارىمەن ءۇنقاتىسۋعا ءارقاشان اشىق.
– جالپى، تابيعاتتى قورعاۋ، قورشاعان ورتانى قورعاۋ – كاسىپورىننىڭ وندىرىستىك جۇمىسىنىڭ دا اجىراماس ءبىر بولىگى، – دەيدى زاۋىتتىڭ تەحنيكالىق ديرەكتورى الەكساندر سۋسلوۆ. – ءوندىرىستى دامىتۋ، وندىرىستىك قۋاتتىلىقتى ارتتىرۋمەن قاتار، قورشاعان ورتانى قورعاۋ شارالارىنا جانە ءوڭىردىڭ ەكولوگياسىنا جاعىمسىز اسەردى تومەندەتۋگە باسا نازار اۋدارامىز.
دەرەككوز: ەگەمەن قازاقستان
