استانادا بىرنەشە ۇيىم 15 قىركۇيەكتەن باستاپ جاڭا جۇمىس كەستەسى بويىنشا جۇمىس ىستەيدى. بۇل شەشىم جولداردا كەپتەلىستى ازايتۋ ماقساتىندا قابىلدانىپ وتىر، - دەپ حابارلايدى قالا اكىمدىگى.

وزگەرىستەر قالا ورتالىعىندا ورنالاسقان مەملەكەتتىك جانە جارتىلاي مەملەكەتتىك قۇرىلىمدارعا قاتىستى ەكەنى ايتىلدى.

"وسىعان سايكەس، 15 قىركۇيەكتەن باستاپ قالالىق كوممۋنالدىق قىزمەتتەردىڭ جۇمىس كۇنى تاڭعى 7:30-دا باستالادى، استانا اكىمدىگىنىڭ قىزمەتى – 7:30، كەيبىر مەملەكەتتىك ورگاندار مەن جارتىلاي مەملەكەتتىك كومپانيالار – 7:30-8:00 ارالىعىندا باستايدى. جۇمىس ۋاقىتىنىڭ اياقتالۋ ساعاتى دا سايكەسىنشە وزگەرتىلەدى"، - دەلىنگەن حابارلامادا.

جەكە سەكتور، بيزنەس، مەكتەپتەر، بالاباقشالار، اۋرۋحانالار، ەمحانالار، حقو جانە باسقا الەۋمەتتىك نىسانداردىڭ جۇمىس كەستەسى وزگەرمەيدى. ايتا كەتەيىك، كەيبىر مينيسترلىكتەر مەن مەملەكەتتىك ورگانداردىڭ جۇمىس كۇنى بۇرىننان 8:00-دە باستالادى.