19 قاراشادا ايتىس ونەرىنىڭ بەلدى مۇشەسى سارا توقتامىسوۆا ءسابيلى بولدى. بۇل تۋرالى «قامشى» پورتالى baistars.kz-كە سىلتەمە جاساپ حابارلايدى. 

وسىدان ءبىراز ۋاقىت بۇرىن ايتىسكەر ينستاگرام پاراقشاسىندا: «ايتىستان نەگە كورىنبەي كەتتىڭ؟» دەپ جاتقان تىڭداۋشىلارىما جاۋاپ بەرەتىن سۋرەت. يا، يا مەنىڭ قازىرگى شاتتىعىم دا، قۋانىشىم دا،قازىنام دا وسى ءبىر كەرەمەت كەزەڭ بولىپ تۇر. ايەل زاتى بولعاسىن، ەڭ باستى ماقساتىمىز، دۇنيەگە ۇرپاق الىپ كەلۋ ەمەس پە؟ كارەرا، جۇمىس دەگەندى كىشكەنە قويا تۇرۋ كەرەك. سىزدەردىڭ ماعان دەگەن لەبىزدەرىڭىزدى وقىپ، مەنىڭ ونەرىمە دەگەن قۇرمەتتەرىڭىزدى وقىپ، قۋانىشىما قۋانىش قوسىلعانداي كۇي كەشەمىن! كوپ راحمەت! ايتىس ەشقايدا قاشپايدى. «امان-ەسەن بوپەمدى دۇنيەگە اكەلسەم»، دەپ دۇعا ەتىپ ءجۇرمىن»، دەپ جازعان.

سونداي-اق، سۇحباتتارىنىڭ بىرىندە: «كوپ بالالى انا، اكە بولۋ - جولداسىم ەسىل ەكەۋمىزدىڭ ارمانىمىز. ءوزىم شاعىن عانا وتباسىنان شىققاندىقتان بولار، ۇيەلمەلى-سۇيەلمەلى ۇلكەن وتباسى بولعانىن قالايمىن. كوزىمىزگە كورسەتكەن ەرمۇحامەدىم امان بولسىنشى! ايتپەسە، ونى دا كوپ كۇتتىك قوي»، دەگەن بولاتىن.

ايتا كەتەيىك، سارا توقتامىسوۆا 1986 جىلى شقو سەمەي قالاسىنىڭ اقسۋات اۋدانىندا دۇنيەگە كەلگەن. ول «دارىن» مەملەكەتتىك جاستار سىيلىعىنىڭ يەگەرى.