Aǵymdaǵy jyly 200-den astam mektep túlegi Ulttyq biryńǵaı testini aǵylshyn tilinde tapsyrýǵa nıet tanytyp otyr. Bul týraly búgin Astanada halyqpen eseptik kezdesý ótkizgen QR Bilim jáne ǵylym mınıstri Erlan Saǵadıev aıtty, dep habarlaıdy QazAqparat.
— Aǵymaǵy jyly Ulttyq biryńǵaı test tapsyrý erejesi ózgergen joq. Degenmen, test tapsyrýshylarǵa yńǵaıly bolýy úshin azdaǵan túzetýler engizildi. UBT bes pánnen turady: úsheýi mindetti jáne ekeýi tańdaýy boıynsha. Búgingi kúni test tapsyrmalary bazasynyń 50 paıyzy jańartyldy. Sonymen qatar UBT-ny aǵylshyn tilinde de tapsyrýǵa múmkindik beriledi. Qazirdiń ózinde shamamen 200 adam jazyldy, - dedi mınıstr.
