AQSH Qazyna departamenti krıptovalúta naryqtary men tranzaksıalaryna tosqaýyl qoıý úshin sharalar qoldanyp jatqanyn habarlady jáne 10 myń dollar nemese odan da kóp aqsha aýdarýdy ishki kirister qyzmetine tirkeý qajet ekenin aıtty.
"Krıptovalúta qazirdiń ózinde salyqtan jaltarýdy qosa alǵanda zańsyz áreketterdi ońaı etý arqyly mańyzdy qarjylyq tekserýlerge problema týdyrady" dep atap ótti AQSH Qarjy hatshysy Djanet Iellen.
Sonymen qatar AQSH prezıdentiniń ishki kirister qyzmeti týraly usynysynda krıpto-aktıvterdiń ósýine qatysty qosymsha jańa qarjylyq esep berý rejımi bar ekeni aıtyldy.
Bul retteýde krıptovalúta, aıyrbastaý shottary jáne sandyq valútany qabyldaıtyn tólem qyzmeti shottary qamtylatyn bolady.
"Sonymen qatar, qolma-qol operasıalar sıaqty, naryqtyq quny 10000 dollardan asatyn krıpto-aktıvterdi alatyn kásipkerler de esep beretin bolady" dep málimdedi departament ókilderi.
Sońǵy bir aıda Ýoll-Strıttiń kóptegen sarapshylary "AQSH qazyna, baǵaly qaǵazdar jáne bırjalar jónindegi komısıasynyń retteýshileri kóp uzamaı krıptovalútany retteý úshin neǵurlym belsendi ról atqarady" dep dabyl qaqqan bolatyn.
Aıta keteıik, buǵan deıin krıptovalúta naryǵy kórnekti quldyraǵany habarlandy. Keıbir qarjylyq sarapshylar sandyq valútanyń tómendeýiniń negizgi sebepterin aıtty: Olardyń pikirinshe, Tesla kompanıasynyń kólik quraldaryn Bitcoin arqyly satýdy toqtatqanyn jarıalaýy jáne Qytaı bıliginiń krıptovalútany tólem túri retinde qabyldaýǵa bolmaıtynyn málimdeýi sandyq aktıvtiń tómendeýine aıtarlyqtaı yqpal etken.
