BAQ pen mádenıet qyzmetkerlerine arnalǵan «Bolashaq» stıpendıasyn taǵaıyndaý konkýrsy keler jyldyń aqpanynda bastalady. Bul týraly búgin «Halyqaralyq baǵdarlamalar ortalyǵy» AQ-nyń prezıdenti Ǵanı Nyǵymetov málim etkenin Baq.kz habarlaıdy. 

Onyń aıtýynsha, buǵan deıin «Bolashaq» stıpendıasy 5 sanat boıynsha, atap aıtqanda, sheteldik JOO-larǵa óz betimen túskenderge, memlekettik qyzmetkerlerge, pedagogtarǵa, JOO túlekterine berilip kelgen. Sonymen qatar medısınalyq, ǵylymı-pedagogıkalyq jáne ınjenerlik-tehnıkalyq qyzmetkerlerge taǵylymdamadan ótý úshin taǵaıyndalyp kelgen.

«Stıpendıaǵa úmitker jýrnalıserdiń 1 jyldyq jumys ótili jáne dıplomy 4 baldan kem bolmaýy tıis. Dál osyndaı talap mádenıet qyzmetkerlerine de qoıylady. Baıqaý shamamen 2014 jyldyń aqpanynyń sońynda bastalady. Barlyq aqparat ortalyqtyń saıtynda qoljetimdi bolady», - dedi Ǵ.Nyǵymetov.