Urpaq tárbıeleýdegi erekshe tálim-tárbıesi, ereje-dástúri arqyly ultymyz búgingi egemendikke jetip otyr. Qazaqtyń bala tárbıesi jóninde arnaıy jazǵan zańy joq. Biraq «jaman bolady» degen jaqsy sózi bar. Sol – zań. Sol – ereje. Óıtkeni, jas balaǵa jaǵymsyz nárselerdi túsindirý óte qıyn. Sondyqtan «jaman bolady» dep kelte qaıyrady. Endi solardyń birazyna toqatala ketsek.

1. Túnde kúl tókse jaman bolady (shoq ilesip, órt ketýi múmkin).
2. Qol jýǵan soń silkise jaman bolady(tamaqqa, kıimge shashyraıdy).
3. Qatar otyrǵan eki adam et kesse jaman  bolady (oqystan pyshaq tıip ketýi múmkin).
4. Túnde tyrnaq alsa jaman bolady(qarańǵyda kesip ketýi, bolmasa, ydys-aıaqqa túsip ketýi múmkin).
5. Keshte mal tabynyn aralasa jaman bolady(mal jýsaýy buzylady).
6. Týystar ara ıt alyssa jaman bolady (ıt bireýdi qapsa jaýpkershiligi qýzalady).
7. Saýsaqpen adam sanasa jaman bolady (qurmetsizdik ári kúpirlik).
8. Shash jaısa jaman bolady (tamaqqa, sýǵa túsedi jáne  eri ólgen áıel shashyn jaıady ).
9. Túnde tús aıtsa jaman bolady (kóńili bólinip, jaqsy uıyqtaı almaıdy).
10. Aýylǵa shaýyp kelmeıdi (adam men maldyń tynshytyǵy buzylady. Jáne ólim habaryn ákelýshiler ǵana shaýyp keledi).
11. Jylqyny basqa ursa jaman bolady (kózi shyǵyp ketýi múmkin).
12. Balany besikke alastamaı jatqyzsa jaman bolady (ot jaryǵynan jybyrlaýyq jáne basqa zıandy jándikter qashady).
13. Túnde sýǵa barsa jaman bolady (bala shoshynýy nemese sýǵa las nárseler ilesýi múmkin).
14. Sýǵa dáret syndyrsa jaman bolady (sý aramdanady).
15. Kúldi bassa jaman bolady (aıaq bylǵanady).
16. Qus jumyrtqasyn shaqsa jaman bolady (qustardyń tuqymy quryp ketýi múmkin).
17. Baltadan, kúrekten, ala jipten attamaıdy (jyǵylyp jaralanýy múmkin).