ءال-فارابي اتىنداعى قازاق ۇلتتىق ۋنيۆەرسيتەتىندە ق ر ءماجىلىس دەپۋتاتتارىنىڭ قاتۋسىمەن «ماڭگىلىك ەل» تاقىرىبىندا ستۋدەنتتەرمەن كەزدەسۋ ءوتتى، - دەپ حابارلايدى Qamshy.kz.

جيىندى قازاق ۇلتتىق ۋنيۆەرسيتەتىنىڭ رەكتورى، اكادەميك عالىمقايىر مۇتانوۆ اشتى. «ىنتىماعى جاراسقان حالىق بولىپ قالىپتاسۋى ءۇشىن، ۇلتتىق وي كەرەك. قازاقستان تاۋەلسىزدىگىن العالى قانشاما سىننان ءوتىپ كەلە جاتىر، بولاشاقتا ءدال وسى قارقىنمەن دامۋ بارىسى جۇزەگە اسادى ما دەگەن سۇراققا ءبىز تەك سوزبەن عانا ەمەس، ىس-ارەكەتپەن دە جاۋاپ بەرۋىمىز قاجەت»، – دەدى رەكتور مىرزا.

«ادام بالاسىنىڭ ەموسياعا بەرىلگىشتىگى، تەرەڭىنە ۇڭىلمەي تەز شەشىمدەر قابىلداپ قوياتىندىعى بارشامىزعا ايان. «ءبىرىڭدى قازاق، ءبىرىڭدى دوس، كورمەسەڭ، ءىستىڭ ءبارى بوس» دەپ ۇلى اباي ايتپاقشى، بىر-بىرىڭە تىلەكتەس، نيەتتەس بولماساڭ ءىستىڭ ءبارى بوس بولادى. وسىنداي قيىن كەزەڭدە بىر-بىرىمىزگە قولداۋ كورسەتىپ، قول ۇشىن بەرمەۋىمىز، اراعا ىرىتكى سالۋشىلار ماقساتىنىڭ ورىندالعاندىعى دەپ بىلەمىن»، – دەپ اتاپ ءوتتى بەكبولات قاناي ۇلى. سونىمەن قاتار «ماڭگىلىك ەل» بولىپ قالىپتاسۋ ءۇشىن، قۇلدىق سانادان ارىلۋ كەرەكتىگىنە ەرەكشە توقتالدى.

سوڭعى كەزدە حالىق اراسىندا رەزونانس تۋدىرعان «جەر ماسەلەسى»، ەلباسىمىزدىڭ كۇنى كەشە جاريالاعان ءموراتورييى دە كوپشىلىك تالقىسىنا ءتۇستى. «اتا-بابادان امانات بولىپ قالعان كەڭ-بايتاق جەرىمىز، ءاربىر قازاقستاندىقتىڭ اسىل-مۇراسى، سول سەبەپتى ءارقايسىسىمىز بۇل مۇرانى كوزىمىزدىڭ قاراشىعىنداي ايالاۋىمىز قاجەت!» – دەپ اتاپ ءوتتى الماتى ماسليحاتىنىڭ ەڭ جاس دەپۋتاتى اسىلحان تولەپوۆ. ستۋدەنتتەردىڭ قاتىسۋىمەن وتكەن جيىن قوعامدا قوردالانعان ءبىرقاتار ماسەلەلەر توڭىرەگىندەگى سۇراقتارعا جاۋاپ بەردى. 

ءىس-شاراعا «نۇر وتان» پارتياسى ورتالىق اپپاراتى باسشىسىنىڭ ورىنباسارى ءمادي جارىلقاسىن ۇلى وسپانوۆ، قازاقستاننىڭ ەڭبەك ەرى، ۇلاعاتتى ۇستاز اياگۇل تورە قىزى ميرازوۆا، الماتى قالاسىنىڭ جاستار ساياساتى ماسەلەلەرى جونىندە باسقارما باسشىسى نۇرلان سىدىقوۆ، الماتى قالاسى جەتىسۋ اۋداندىق پروكۋرورىنىڭ ورىنباسارى باۋىرجان ەرتايەۆ قاتىستى.

كەز كەلگەن اتقارىلاتىن ءىس، كەز كەلگەن جاسالاتىن قادامنىڭ، ەلىمىزدەگى تۇراقتىلىق پەن بەيبىتشىلىككە كەدەرگىسى كەلمەيتىن بولسا، وندا بۇل دۇنيەنىڭ حالىق يگىلىگىنە تيگىزەر پايداسى، دامۋىنا قوسار ۇلەسى وتە جوعارى بولماق. كەزدەسۋ سوڭىندا پرەزيديۋم مۇشەلەرىنە كازاق ۇلتتىق ۋنيۆەرسيتەتى اتىنان سىيلىقتار بەرىلدى.