22 ماۋسىم كۇنى الماتىداعى №4 اۋرۋحانانىڭ جان ساقتاۋ بولىمىندە ەلگە تانىمال جۋرناليست قاجىمۇقان عابدوللانىڭ جارى قىمبات ون كۇن بويى ەسىن جيماعان كۇيى ماڭگىلىك ساپارعا اتتانىپ كەتتى...

قاجەكە!

كوڭىل ايتام، باۋىرىم-اي،

قارالى حابارىڭنىڭ اۋىرىن-اي!

قايتەيىن،

كوڭىل جۇيرىك،

قولىم قىسقا،

اتىمنىڭ بەرە المادىم، ساۋىرىن-اي.

«ۇلتىم!» – دەپ،

شىرىلداعان بوزداعىم-اي،

قايعىڭدى ەستىپ قالىپ،

بوزدادىم-اي!

ەل-جۇرتىن كۇڭىرەنتىپ قۋ فانيدەن،

قىمباتتاي جان-جارىڭنىڭ وزعانىن-اي!

باۋىرىم –

قازاعىمنىڭ ازاماتى،

ەشقاشان ەستىلمەگەن جاماناتى.

ۇلتىڭدى قورعاسىن دەپ جاراتقاننىڭ،

جۇكتەگەن مويىنىڭا اماناتى.

قايعىڭا ورتاقتاسپىن،

ازاماتىم،

قۇدايدىڭ كورمەيسىڭ بە،

عالاماتىن –

قازانىڭ، بەرسىن ارتىن، قايىرىنىڭ،

تىلەۋىم –

بەرمەسە ەندى جاماناتىن.

ءومىر باردا –

ءولىم بار،

ءومىر زاڭى،

ءجانناتتا، بولسىن جانى، جان-جارىڭنىڭ!

ارتىندا قالعان ەكەن بۇلدىرشىندەر،

عۇمىرى ۇزاق بولسىن، سول بارىڭنىڭ!

قۋانىش مۇقتاي

23.06.16 جىل

كوكشەتاۋ