استانانىڭ قۇرىلىس الاڭىندا تاعى قايعىلى وقيعا! بۇل جولى ەكى ستۋدەنت 20-شى قاباتتان قۇلاپ، سول جەردە جان تاپسىردى،-دەپ حابارلايدى Qamshy.kz كتك ارناسىنا سىلتەمە جاساپ.

وقىس وقيعا ەسىلدىڭ سول جاعالاۋىندا جاڭادان سالىنىپ جاتقان مىنا كوپ قاباتتى تۇرعىن ۇيدە بولعان. ەكى جىگىت جوعارىدا بالكون سىرتىن ارلەپ جاتقان كەزدە تەمىر تىرەۋلەر سىنىپ كەتىپتى. مارقۇمنىڭ ەكەۋى دە استاناداعى جوعارعى وقۋ ورىندارىنىڭ ءبىرىنىڭ 19 جاستاعى ەكىنشى كۋرس ستۋدەنتتەرى. ساباق كەزىندە ولاردىڭ قالايشا قۇرىلىس الاڭىندا جۇرگەنى دە بەلگىسىز. ال، قايعىلى جاعدايعا بايلانىستى «ەڭبەك ءتارتىبى ساقتالماعان» دەگەن باپ بويىنشا سوتقا دەيىنگى تەرگەۋ ءجۇرىپ جاتىر. جالپى ەلوردادا قۇرىلىس الاڭىندا كىسى ءولىمى ءجيى بولادى. مۇندا بىلتىردان بەرى  9 ادام بيىكتىكتەن قۇلاپ قازا تاپقان.