جوعارى IQ-دىڭ باعاسى وسىنداي ەكەن دەپ حابارلايدى vesti.ru. ماسكەۋلىك زەينەتكەردى مۇزعا وتىرعىزىپ كەتكەن وتىرىك ەمشىلەردى بۇگىنگى تاڭدا پوليسيا ىزدەستىرىپ جاتىر. كارى اجە نەمەرەسىن اقىلدىراق قىلعىسى كەلىپ ەكستراسەنستەردىڭ كومەگىنە جۇگىنگەن. ولار قىزدى جۇزبە-جۇز كورمەي اق، الىستان ريتۋال جاساپ، اجەنىڭ نيەتىن ومىرگە اينالدىرۋعا ءسوز بەرگەن.
لاريسا يۆانوۆنا الاياقتارعا 25 جىل بويى ءۇي ساتىپ الۋعا جيناپ كەلگەن بار اقشاسىن قالاي بەرگەنىن ءوزى دە تۇسىنبەيدى. ماسەلەنىڭ ءمان-جايىنا كەلەر بولساق، نەمەرەسى ينستيتۋتتان ۇلگەرىمى ناشارلاپ، شىعىپ كەتىپتى. وقۋدان شىعارىلعان ول كۇيزەلىسكە ۇشىراعان. نەمەرەمە كوز ءتيدى دەگەن اجەسى جارناماسى راديودان بەرىلگەن پاراپسيحولوگيا مەن ساۋەگەيلىك ينستيتۋتىنا قوڭىراۋ شالىپتى. پوليسياعا شاعىمدانعان لاريسا يۆانوۆنانىڭ ىسىندە، وكىنىشكە وراي، العا جىلجۋ جوق. سەبەبى الاياقتاردى كوزبە-كوز كورگەن ەشكىم جوق.
پىكىر قالدىرۋ