قازاقتىڭ ءوز ەلىندە ءتىلىنىڭ ءقادىرى كەتكەنى، ءتىپتى، جىلدان-جىلعا قولدانۋ اياسى تارىلىپ، جويىلىپ بارا جاتقانى تۋرالى ايتىلماعان ءسوز قالمادى. ءبىراق ءوز ەلىندە قازاقتىڭ ايتقان ءسوزى «يت ۇرەدى، كەرۋەن كوشەدىنىڭ» كۇنىن كەشىپ وتىرعانىن ەندى ەش نارسەمەن جۋىپ-شايا المايمىز. بۇل – قازاقتى قورلاۋدىڭ، ال ماعان نە ىستەيسىڭ دەگەن تاسىرلىقتىڭ ەڭ باستى دالەلى. بۇگىن    «الماتى اقشامى» گازەتىنەن «الماتىلىقتار ۋنيۆەرسيادانى 24 مەكەمەدەن تاماشالاي الادى» دەگەن حابارلاندىرۋدى كوردىك (26.01.2017).

حاباردا بىلاي دەپ جازىلعان:

«الماتىدا ۋنيۆەرسيادا-2017 سپورتتىق ءىس-شاراسىن ەفير ارقىلى تاراتاتىن قوعامدىق تاماقتاندىرۋ ورىندارى ناقتىلاندى. ەندى قالا تۇرعىندارى مەن قوناقتارى سپورتتىق جارىستى ارنايى سەرتيفيكات العان 24 مەكەمەدەن تاماشالاي الادى...

ۋنيۆەرسيادانى كورسەتەتىن قوعامدىق تاماقتانۋ ورىندارى:

№     نىساننىڭ اتاۋى:           مەكەن-جايى:

1. بوچونوك     جاندوسوۆ كوشەسى 40.
2. Entrcote Carden اباي داڭعىلى 46 ا.
3. پرۋسسيا روزىباكييەۆ كوشەسى 95.
4. Favor ءال-فارابي داڭعىلى 45.
5. Loft تيميريازيەۆ كوشەسى 13 ا.
6. كارلوۆ موست ءحان-تاڭىرى ىقشاماۋدانى 85.
7. دوم دوستىق داڭعىلى 42.
8. Grudo steakhouse اباي داڭعىلى 42.
9. Mad Murphus تولە بي كوشەسى 12.
10. بارماگلوت ساتبايەۆ كوشەسى 3.
11. گرانات جاماقايەۆ كوشەسى 108.
12. راتاتۋي دوستىق داڭعىلى 118.
13. ۆەچنوە نەبو بۇزىربايەۆ كوشەسى 23.
14. Korean house گوگول كوشەسى 2.
15. پينتا دوستىق داڭعىلى 52.
16. دۋبلين بايسەيىتوۆا كوشەسى 43.
17. ۆاحتانگۋري گوگول كوشەسى 157.
18. گيننەس ناب دوستىق داڭعىلى 71.
19. Unءىon ءال-فارابي داڭعىلى 36.
20. Esperanza سەيفۋللين كوشەسى 481.
21. ورانجيەۆىي ۆەربليۋد جاندوسوۆ كوشەسى 98.
22. بازيليك شيەۆچەنكو كوشەسى 127.
23. ماستەر جيگۋليەۆ ابىلاي حان كوشەسى 46.
24. Hemءىngway ناۋرىزباي باتىر كوشەسى 7/43»

قاراپ وتىرساق، سول 24 مەكەمەنىڭ ىشىندە قازاقشا اتاۋى بار ءبىر مەكەمە جوق ەكەن.  ولار «بوچونوك»، «دوم»، «ورانجيەۆىي ۆەربليۋد»، «ماستەر جيگۋليەۆ» «ۆەچنوە نەبو»، «بازيليك»، «گرانات»، «بارماگلوت»، «كارلوۆ موست» دەگەن  ورىسشا، قالعاندارى  تۇگەل شەتەلدىك اتاۋى بار «مەكەمەلەر» ەكەن. ىشىمىزدەن «ءوز ەلىندە قازاق سياقتى وسىنشا  نامىسىنان ايرىلعان ۇلت جەر بەتىندە جوق شىعار، ءبىتتىڭ عوي قازاق» دەدىك تە جۇرە بەردىك. قولدان كەلەر قايران جوق. ءتىپتى، وسى ءسوزىڭ ءۇشىن-اق تەرروريست، يسلاميست، سيرياعا بارعىسى كەلگەن اتانىپ  كەتۋىڭ دە مۇمكىن عوي. ال «الماتى اقشامىنداعىلار» بۇل قالاي دەپ ءبىر اۋىز ءسوز ايتپاي وسىنى قۋانا حابارلاپ وتىر ما ەكەن؟