بجزق-نىڭ زەينەتاقى اكتيۆتەرى بويىنشا ينۆەستيسيالىق كىرىس 2016 جىلى 531 ميلليارد تەڭگە بولعانى بەلگىلى بولدى. بۇل تۋرالى ق ر ۇلتتىق بانكى ءتوراعاسىنىڭ ورىنباسارى عالىمجان ءپىرماتوۆ ايتتى، - دەپ حابارلايدى Tengrinews.kz

2016 جىلدىڭ قورىتىندىسى بويىنشا زەينەتاقى اكتيۆتەرى بويىنشا ينۆەستيسيالىق كىرىس 531 ميلليارد تەڭگەگە جەتكەن. وتكەن جىل بويى بجزق-نىڭ زەينەتاقى اكتيۆتەرى بويىنشا ورتاشا الىنعان اي سايىنعى كىرىس 44،3 ميلليارد تەڭگە دەڭگەيىندە بولعان.

سونداي-اق، ق ر ۇلتتىق بانكى ءتوراعاسىنىڭ ورىنباسارى 2016 جىلعى 12 ايدا زەينەتاقى اكتيۆتەرىنىڭ 848،7 ميلليارد تەڭگەگە، ياعني، 6،7 تريلليون تەڭگەگە دەيىن ۇلعايعانىن اتاپ ءوتتى، 

عالىمجان ءپىرماتوۆتىڭ ايتۋىنشا، 2017 جىلعى 1 قاڭتارداعى جاعداي بويىنشا "بجزق" اق سالىمشىلارىنىڭ زەينەتاقى جيناقتارى 6 685،3 ميلليارد تەڭگە بولدى. "بجزق" اق قۇرىلعان ساتتەن باستاپ ساقتاندىرۋ ۇيىمدارىنا اۋدارىمداردى قوسا العاندا، سالىمشىلارعا تولەنگەن زەينەتاقى تولەمدەرىنىڭ كولەمى 410،6 ميلليارد تەڭگە بولدى.

سونىمەن قاتار، عالىمجان ءپىرماتوۆ ينۆەستيسيالىق كىرىستى ەسەپتەۋ كۇن سايىن جۇزەگە اسىرىلاتىنىن حابارلادى. ونىڭ شاماسى مىناداي قارجى قۇرالدارى - وبليگاسيالاردان، دەپوزيتتەردەن جانە اكسيالاردان تۇراتىن ينۆەستيسيالىق پورتفەلدىڭ قۇرىلىمىنا بايلانىستى بولادى. سونداي-اق، تاۋەكەلدەردى تومەندەتۋ ماقساتىندا زەينەتاقى اكتيۆتەرىنىڭ ءبىر بولىگى شەتەل ۆاليۋتاسىندا شىعارىلعان باعالى قاعازدارعا ينۆەستيسيالانعان.

ق ر ۇلتتىق بانكى ءتوراعاسىنىڭ ورىنباسارى "قازاقستان رەسپۋبليكاسىندا زەينەتاقىمەن قامسىزداندىرۋ تۋرالى" قازاقستان رەسپۋبليكاسى زاڭىندا سالىمشى زەينەتاقى تولەمدەرىنە قۇقىقتى يەلەنگەن كەزدە ينفلياسيانىڭ دەڭگەيىن ەسەپكە الا وتىرىپ، ناقتى ەنگىزىلگەن زەينەتاقى جارنالارىنىڭ (مىندەتتى، مىندەتتى كاسىپتىك) ساقتالۋى بويىنشا مەملەكەتتىك كەپىلدىك كوزدەلگەنىن دە ەسكە سالدى.

ايتا كەتەر بولساق، سوڭعى كەزدەرى جيناق قورداعى اقشانىڭ ورىنسىز جۇمسالىپ جاتقانى تۋرالى اڭگىمە كوپتەپ تارادى. ەسكە سالايىق، 2016 جىلدىڭ 21 جەلتوقسانىنان باستاپ ق ر ۇلتتىق بانكىنىڭ قاتىسۋىمەن "ءبىرىڭعاي جيناقتاۋشى زەينەتاقى قورى" اكسيونەرلىك قوعامىنىڭ قىزمەتىنە تەكسەرىس جۇرگىزىلگەن بولاتىن. ال 9 قاڭتاردا بجزق باسشىلىعى قاماۋعا الىنعان بولاتىن.