كۇدىكتى ونىمەن تۇرماي، جۇرگىزۋشىنىڭ قالتاسىنداعى بار اقشاسى مەن ۇيالى تەلەفونىن تارتىپ العان دەپ حابارلايدى 24.kz.

جابىرلەنۋشى قاراتاۋ اۋداندىق ىشكى ىستەر بولىمىنە شاعىمدانعان. تاكسي جۇرگىزۋشىسىنىڭ ءتارتىپ ساقشىلارىنا بەرگەن جاۋابىندا جولاۋشى سايرام اۋدانىنا اپارىپ سالۋىن وتىنگەنىن ايتقان. اقشاسىنا دا كەلىسكەن. جولاي الگى ازامات توقتاپ كەتۋىن سۇرانعان. سول كەزدە ول اياق استىنان تاپ بەرىپ، تاپانشامەن قورقىتىپ، جەڭىل ماشيناسى مەن باعالى زاتتارىن الىپ، بەلگىسىز باعىتتا تايىپ تۇرعان. شۇعىل حابارلاما العان تولەبي اۋداندىق ىشكى ىستەر ءبولىمىنىڭ قىزمەتكەرلەرى كولىكتى اۋدان اۋماعىنان بايقاپ قالىپ، قولعا تۇسىرگەن. ونى قاراتاۋ اۋداندىق ىشكى ىستەر بولىمىنە وتكىزگەن. ءتارتىپ ساقشىلارى الگى ازاماتتىڭ بۇعان دەيىن ءىستى بولعان 1992 جىلى تۋعان شىمكەنت قالاسىنىڭ تۇرعىنى ەكەنىن انىقتادى. ايعاقتى زات رەتىندە جەڭىل كولىك پەن ويىنشىق تاپانشا تاركىلەنگەن. قازىرگى تاڭدا كۇدىكتىنىڭ ۇستىنەن ق ر قك 191 بابى «توناۋ» دەرەگى بويىنشا قىلمىستىق ءىس قوزعالدى. كۇدىكتى ۋاقىتشا قاماۋعا الىندى، دەيدى وقو ءىىد مەملەكەتتىك ءتىل جانە اقپارات بولىمىندەگىلەر.