تۇماۋ جانە جرۆي بويىنشا ەپيدەميولوگيالىق جاعداي قازاقستان رەسپۋبليكاسىنىڭ اۋماعىندا بۇكىل ەۋروپا وڭىرىندەگىدەي بارلىق جەردە تۇماۋ جانە جرۆي-دىڭ تىركەلۋى بايقالادى دەپ حابارلايدى قازاقستان رەسپۋبليكاسى ۇلتتىق ەكونوميكا مينيسترلىگىنىڭ تۇتىنۋشىلاردىڭ قۇقىقتارىن قورعاۋ كوميتەتىنىڭ باسپا ءسوز حاتشىسى. 

ەپيدەميالىق ماۋسىم باستالعاننان بەرى  380 مىڭنان استام جرۆي جاعدايى، ونىڭ ىشىندە 1831 تۇماۋ جاعدايى تىركەلدى.

جرۆي-مەن سىرقاتتانعان ادامداردىڭ نەگىزگى ۇلەسىن (65 %) 14 جاسقا دەيىنگى بالالار قۇرايدى. بارلىق جرۆي-مەن سىرقاتتانعاندار ىشىندە وقۋشىلاردىڭ ۇلەس سالماعى 20%-دى، تۇماۋمەن سىرقاتتانعاندار ىشىندە 13%-دى قۇرادى.

وتكەن اپتادا بۇكىل حالىق بويىنشا تۇماۋ جانە جرۆي-مەن سىرقاتتانۋشىلىقتىڭ اپتالىق ەپيدەميالىق دەڭگەيدەن ارتۋى بايقالمايدى.

شۇعىل ەپيدەمياعا قارسى ءىس-شارالاردى قابىلداۋ ماقساتىندا 1 جەلتوقساننان باستاپ ق ر حالقىنىڭ ءجىتى رەسپيراتورلىق ۆيرۋستىق ينفەكسيالارمەن جانە تۇماۋمەن سىرقاتتانۋشىلىعىنىڭ جاعدايىنا جانە تۇماۋ ۆيرۋسىنىڭ اينالىمىنا كۇندەلىكتى مونيتورينگ جۇرگىزىلدى.

حالىق توپتارى اراسىندا سىرقاتتانۋشىلىق قۇرىلىمىن ەسكەرە وتىرىپ جانە وقۋشىلار اراسىندا جرۆي مەن تۇماۋمەن سىرقاتتانۋدىڭ ءوسۋىن الدىن الۋ ماقساتىندا تققك اۋماقتىق بولىمشىلەرىنىڭ ۇسىنىمدارى بويىنشا ەپيدماۋسىمنان باستاپ ءبىلىم باسقارمالارى 26 تاربيەلەۋ جانە ءبىلىم بەرۋ مەكەمەلەرىندە وقۋ پروسەسى توقتاتتى، ونىڭ 4-دە وقۋ پروسەسى قايتا باستالدى.

اقپان ايىندا سولتۇستىك-قازاقستان جانە شىعىس-قازاقستان وبلىستاردا 8 مەكتەپ جانە 3 مەكتەپكە دەيىنگى مەكەمە تولىق جىبىلدى، جارتىلاي (جەكەلەگەن سىنىپتارىندا) وقۋ پروسەسى سولتۇستىك قازاقستان وبلىسىنىڭ 11 مەكتەبىندە توقتاتىلعان.

انىقتاما رەتىندە. رەسەي فەدەراسيادا مەكتەپكە دەيىنگى جاستاعى بالالار جانە مەكتەپ وقۋشىلارىنىڭ سىرقاتتانۋىن ەسەپكە الىپ 58 سۋبەكتىدە 2247 مەكتەپ، 44 سۋبەكتىدە 398 بالا باقشا، 17 سۋبەكتىدە 71 مەكتەپ-ينتەرنات، 10 سۋبكتىدە 74 كوللەدج جانە 3 جوعارى وقۋ ورىن جابىلدى، جارتىلاي 1210 مەكتەپتە 3959 سىنىپ جانە 1135 مەكتەپكە دەيىنگى مەكەمەنىڭ 1726 توبى، مەكتەپ-ينتەرناتتىڭ 5 سىنىپ، 8 كوللەدجىنىڭ 74 توبى جابىلدى.