استانالىق قىزدىڭ ينتيم سۋرەتتەرىن جىگىتى تاراتىپ جىبەرگەن دەپ حابارلايدى tengrinews.kz.
قىزدىڭ ايتۋىنشا، ونىڭ سۋرەتتەرى جەلىگە جىگىتىنىڭ كەسىرىنەن شىعىپ كەتكەن، سۇيىكتىسى ينتيم سۋرەتتەردى قاتەلەسىپ، WhatsApp مەسسەندجەرىندەگى توپتاردىڭ بىرىنە سالىپ قويعان.
"سوت وتىرىسىندا قىز جىگىتىنىڭ وقيعا بولعان كۇنى Hummer ماركالى كولىك ساتىپ العانىن جانە كولىكتىڭ جانىندا ادەمى سۋرەت جاساۋى ءۇشىن، ءۇيدىڭ اۋلاسىندا شەشىنگەنىن ايتقان، ال جىگىت ۇيالى تەلەفونىنىڭ كامەراسىنا ءتۇسىرىپ العان. بۇل سۋرەتتەر ەكەۋارا قولدانۋعا عانا تۇسىرىلگەن. الايدا قىزدىڭ سۇيىكتىسى قاتەلەسىپ، WhatsApp مەسسەندجەرىندەگى Hummer كولىكتەرىنىڭ قوعامداستىعى توبىنا سالىپ جىبەرگەن. ول كىناسىن تولىقتاي مويىندادى، ەندىگىدە مۇندايدى قايتالامايتىنىن ايتىپ وتىر"، - دەلىنگەن سوت قۇجاتىندا.
"شامامەن 20.30-دا استاناداعى قالداياقوۆ كوشەسىنىڭ بويىندا ورنالاسقان "لوندون" تۇرعىن ءۇي كەشەنىنىڭ قوعامدىق ورىن بولىپ ەسەپتەلەتىن اۆتوتۇراعىندا جالاڭاش سۋرەتكە تۇسكەن، وسىلايشا اينالاسىنداعىلارعا سىيلاماۋشىلىق كورسەتكەن جانە قوعامدىق ءتارتىپتى بۇزعان"، - دەلىنگەن سوتتىڭ قاۋلىسىندا.
قاۋلىداعى مالىمەت بويىنشا، قىز ق ر اكىمشىلىك قۇقىق بۇزۋشىلىق تۋرالى كودەكستىڭ 434-بابىنىڭ 1-بولىگى بويىنشا جاۋاپكەرشىلىككە تارتىلعان - وعان 22 690 تەڭگە سوماسىندا ايىپپۇل سالىندى.
