ۇمىتىلىپ بارا جاتقان تاعامدار تۋرالى حالىقارالىق «سلوۋ فۋد» ۇيىمىنىڭ قازاقستانداعى وكىلى، «وتباسىم» ۇلتتىق قۇندىلىقتار ورتالىعىنىڭ ءتوراعا ورىنباسارى حانىم احمەتوۆا ايتىپ بەردى. اقپارات ihsan.kz سايتىنان الىنعان.

ۇلپەرشەك – قۇرامىندا ءتۇرلى دارۋمەندەرى بار وتە پايدالى تاعام. ونى ۇيىنەن ۇزاتىلىپ كەتكەن قىز توركىندەپ كەلگەندە ءپىسىرىپ بەرەتىن بولعان. ول «قايدا جۇرسەڭ دە ءبىزدىڭ جۇرەگىمىزدەسىڭ» دەگەن ماعىنادا ۇسىنىلادى.

جىلقى نەمەسە سيىردىڭ جۇرەگىنەن جاسالادى. جۇرەكتى كىتاپ سياقتى اشىلاتىن قىلىپ ءتىلىپ، قانىن تازالايدى دا، ىشىنە تۇز بەن بۇرىش سەبەدى. سوسىن ۇساقتالىپ تۋرالعان ەت پەن مايمەن تولىتارادى دا، ءبىر اي بويى ۇنعا باتىرىپ قويادى. ۋاقىتى كەلگەندە فولگاعا نەمەسە اسپازدىق سەللوفانعا سالىپ پىسىرەدى.

بىلامىق

بۇرىندارى بىلامىقتى جاڭا بوسانعان كەلىندەرگە ارناپ پىسىرگەن. ول جاس انانىڭ يممۋنيتەتىن كوتەرىپ، گەموگلابينىن قالپىنا كەلتىرەدى، تىستەرىن بەكىتەدى. ونى ىشكەن انانىڭ ءسابيى انا سۇتىنە توق بولادى، ءىشى اۋىرمايدى ەكەن.

بىلامىقتى جاساۋ ءۇشىن ۇن، ءسۇت، ماي، تارى، قانت پەن تۇز كەرەك. ۇندى سارعايعانشا مايدا قۋىرىپ، ءسۇت قوسادى، 5 مينۋتتان كەيىن تارى ارالاستىرادى. باستىسى – تارى قولمەن وڭدەلگەن بولۋى كەرەك.

جاۋجۇرەك

بۇل تاعام قويدىڭ باۋىرىنان جاسالادى. “جاۋجۇرەك” دەپ اتالۋىنىڭ سەبەبى – ونىڭ قۇرامىندا قورقىنىشتى جوياتىن گورمونعا اسەر ەتەتىن ەلەمەنت بار. سوندىقتان ونى ەر ادامدار مەن جاس بالالارعا بەرەدى. سونداي-اق قويدىڭ باۋىرىندا ميوكارد ينفاركتىنىڭ الدىن الاتىن گەپارين بار.

“جاۋجۇرەكتى” ىستىق تىسكەباسار رەتىندە ۇسىنۋعا دا بولادى.

بالقايماق

بالقايماق – قازىرگى كامپيتتەردەن دە ءتاتتى تاعام. ونى جاساۋ ءۇشىن قايماقتى اقىرىن وتتا ءپىسىرىپ تۇرىپ، ۇن مەن بال قوسادى. 10-15 مينۋت ارالاستىرىپ تۇرىپ، وتتى وشىرەدى دە، قايماقتى بۇقتىرىپ قويادى. ەگەر وت قاتتى بولىپ كەتسە، قايماق مايعا اينالىپ كەتۋى مۇمكىن.

قازىرگى تاڭدا كەيبىرەۋلەر ونى تورتتىڭ اراسىنا جاعاتىن كرەم رەتىندە پايدالانادى. ال بۇرىندارى ونى گاستريت پەن اسقازان جاراسىنا قارسى ءدارى رەتىندە جاساعان. ول ءۇشىن قۇرامىنا ازداعان قىزىل بۇرىش قوسادى.

كۇيەۋ بالا قوناققا كەلگەندە ۇسىنىلاتىن بۇل تاعام ءقازىر قاراپايىمدانىپ كەتكەن. قازىرگىلەر قوي سويعاندا ونىڭ ىشەك-قۇرىلىسىن تاستاي سالادى. ولاردىڭ وتە پايدالى ەكەنىن ەسكەرە بەرمەيدى.

ورمەتوس

ورمەتوس – قوي توسىنەن جاسالاتىن تاعام. ونى ەكىگە ايىرىپ، ەكى شەتىن ءورۋ ارقىلى قۇس قاناتىنا ۇقساس قىلىپ جاسايدى. بۇل كۇيەۋ بالاعا “قاناتىڭ تالماسىن!” دەگەن تىلەكتەستىكتى بىلدىرەدى.