الماتى قالاسى المالى اۋداندىق سوتىندا كەزەكتى "دارىگەرلەر ءىسى" قارالىپ جاتىر دەپ جازادى sputniknews.kz. وندا ءۇش سوتتالۋشى دارىگەر سۇمدىق 

اۋرۋحانالار قىزمەتكەرلەرى ءولىم كورسەتكىشىن سىرقاتنامانىڭ كومەگىمەن جاسىرادى ەكەن مۇنداي مويىنداۋ الماتتىدا كەزەكتى "دارىگەرلەر ءىسى" بويىنشا سوتتالۋشىلاردى تەرگەۋ كەزىندە ايتىلدى.

قازاقستان المالى اۋداندىق سوتىنىڭ سۋدياسى مارال جارىلقاسوۆا ءتورت جىل بۇرىنعى اتى شۋلى ءىس بويىنشا سوت الدىندا جاۋاپقا تارتىلىپ جاتقان جەدەل جاردەم اۋرۋحاناسى (ججا) دارىگەرلەرىنەن العان جاۋاپ جاريالاyدى. 

دارىگەرلەر كىنالى مە؟

وسى ۋاقىتقا دەيىن نۇكتە قويىلماعان قايعىلى وقيعا: جۇبانىشسىز اكە فارحات اگيشيەۆ جول اپاتىنان كەيىن اۋىر حالدە اۋرۋحاناعا تۇسكەن 21 جاسار قىزى ديليارانىڭ دەر كەزىندە مەديسينالىق كومەك الماۋ سالدارىنان كوز جۇمعانىن دالەلدەۋگە تىرىسىپ ءجۇر.

اگيشيەۆتىڭ سوزىنە قاراعاندا، قىزدى ججا-عا 02.30-دە جەتكىزگەن، ونى تەك ون مينۋتتان كەيىن عانا قابىلداعان، تاعى بەس مينۋتتان كەيىن اكەسى قىزىنا تەلەفون سوققان، ول ەسى كىرەسىلى-شىعاسىلى بىرەر ءسوز ايتقان. ال ءارى قاراي – جەكە تەرگەۋ ناتيجەلەرى رەسمي اقپاراتقا قايشى كەلەدى. ديليارا اگيشيەۆا جول اپاتىنان سوڭ جەدەل جاردەم اۋرۋحاناسىندا كوز جۇمعان.

 وسىلايشا، الماتى ىشكى ىستەر دەپارتامەنتىنە ناۋقاستىڭ 03:30 ولگەنى تۋرالى اقپارات تەك تاڭعى ساعات 04:52-دە كەلىپ تۇسكەن.  فارحات اگيشيەۆتىڭ سەنىمدىلىگى بويىنشا قىزىنىڭ اۋرۋحاناعا جەتكىزىلگەننەن كەيىن ءبىر ساعاتتان سوڭ كوز جۇمدى دەگەن دەرەك جالعان ەكەن. ول قىزىنىڭ 04:50-گە دەيىن ياعني اۋرۋحانادا بولعان 2 ساعات 10 مينۋت بويى ءتىرى  بولعانىنا سەنىمدى. 

ءبىراق باستىسى بۇل ەمەس: ەر ادامنىڭ پىكىرىنشە، العاشقى قۇندى مينۋتتاردا ونىڭ قىزىنا ەشقانداي كومەك كورسەتىلمەي، ول جولدا جەدەل جاردەم دارىگەرلەرى  02:55-كە دەيىن ەككەن ءدارى تامىزعىشتىڭ استىندا كاتالكادا جاتقان.

"نەلىكتەن جكو ۋاقىتىنان بەرى 2012 جىلعى 24 قىركۇيەك پەن بۇگىنگى كۇن 2017 جىلعى 27 اقپان ارالىعىندا ءتورت جارىم جىل ءوتتى. ويتكەنى وسى ۋاقىت بويى ءىىد قىزمەتكەرلەرى، ساراپشىلار، ججا قىزمەتكەرلەرى، قالالىق دەنساۋلىق ساقتاۋ ءتىپتى دەنساۋلىق ساقتاۋ مينيسترلىگى دە دارىگەرلەردى جاۋاپتان الىپ قالۋ ءۇشىن ءبىرشاما كۇش سالدى. قازىرگى ۋاقىتتا وسى قىلمىستىق ىستەن بولەك تاعى ەكى ءىس پروكۋراتۋرادا جاتىر… بۇگىنگى تاڭدا قىزىمنىڭ قانداي جاراقاتتان كوز جۇمعانى ماڭىزدى ەمەس. ول ججا قابىلداۋ بولمەسى كەزەكشى دارىگەرلەرىنىڭ ارەكەتسىزدىگىنەن كوز جۇمدى"، — دەيدى اگيشيەۆ.

سوتتالۋشىلار – 2012 جىلعى 23-نەن 24 قىركۇيەككە قاراعان ءتۇنى كەزەكشىلىكتە بولعان دارىگەرلەر. دارىگەرلەر باحتيار بەكتۇرسىنوۆ، جانگەلدى سۇلەيمەنوۆ جانە مارس باينيازوۆقا مەديسينالىق قىزمەتكەرلەردىڭ كاسىبي مىندەتتەرىن ءتيىستى ورىندامادى دەگەن ايىپ تاعىلىپ وتىر. ولار كىناسىن مويىنداپ وتىرعان جوق.

 "ءبىز بريگادامەن ءبارىن جاسادىق – بارلىق تەكسەرۋلەردى، بارلىق جان ساقتاۋ شارالارىن تولىعىمەن. قۇتقارىپ قالا المادىق، جاراقات اۋىر بولاتىن. ول جەردە ءميدىڭ زاقىمدانۋى، تورلى قابىق استىنا قان قۇيىلۋ، جامباس سۇيەگىنىڭ سىنۋى، ىشكى اعزالارىنىڭ جارىلۋى. وتاعا الىپ ۇلگەرە الماي قالدىق. ال بىلايشا، ءبارىن تولىق جاسادىق. ول جانساقتاۋ بولىمىندە بولدى. اۋرۋحانادا كامەرانىڭ بولماعان وكىنىشتى. بەينەكامەرا بولعاندا جاقسى بولۋشى ەدى. بىزدە ونداي ناۋقاستار  بىردەن جانساقتاۋ بولىمىنە جەتكىزىلەدى"، — دەدى تراۆماتولوگ دارىگەر جانە قايعىلى كەزەكشىلىككە جاۋاپتى دارىگەر جانگەلدى سۇلەيمەنوۆ. 

داۋلى كۋالىك ەتۋ

سوتتا ىسپەن بايلانىستى كۇتپەگەن كۋالىك ەتۋلەر ايتىلدى.  انىقتالىپ قويعان دەرەك: ديليارا اگيشيەۆانىڭ اتىنا ناۋقاسناما تولتىرىلماعان. كۇدىكتىلەردەن جاۋاپ الۋ سوت وتىرىسىندا بولعان جۋرناليستتەردى دە تاڭعالدىردى. ۋادە ەتكەنىمىزدەي، سوتتالۋشىلاردىڭ سۋديا مارال جارىلعاسوۆانىڭ قويعان سۇراقتارىنا بەرگەن جاۋاپتارىن جاريالايمىز. سۋديا زالدا ديكتوفون جازباسىن جۇرگىزۋگە تىيىم سالدى. سوندىقتان ديالوگ تولىق كەلتىرىلمەيدى – تەك ءتىلشى قالاممەن جازىپ ۇلگەرگەن بولىگى عانا. سونداي-اق، دارىگەرلەر كىنالارىن ءالى دە مويىنداماعانىن ەسكە سالامىز. تومەندە ايتىلعاندار ونى دالەلدەمەيدى، ۇلكەن پروسەستىڭ ەپيزودى عانا بولىپ تابىلادى. 

سۋديا جارىلعاسوۆا: اگيشيەۆانىڭ جاعدايىنا دەيىن ناۋقاسناما تولتىرىلمايتىن جاعدايلار ورىن الاتىن با ەدى؟ 

جانگەلدى سۇلەيمەنوۆ: ءيا. 

سۋديا جارىلعاسوۆا: ول 2012 جىلى بولدى ما جوق وعان دەيىن با؟

 جانگەلدى سۇلەيمەنوۆ: 2009 جىلى مەن الماتىعا كەلدىم. ورتالىق قالالىق اۋرۋحانادا جۇمىس ىستەدىم، ول جەردە دە ونداي بولاتىن. 

سۋديا جارىلعاسوۆا: 2012 جىلى سىزدەر بارلىق ناۋقاستارعا سولاي جاسايتىن با ەدىڭىزدەر؟

جانگەلدى سۇلەيمەنوۆ: ءبىر ساعاتقا دەيىن كوز جۇمعاندار…

سۋديا جارىلعاسوۆا: نەلىكتەن تۋرا بىرگە دەيىن؟ ادۆوكات سالىمبايەۆا: تۇنگى ساعات ءبىر ەمەس، ءبىر ساعات ىشىندە. 

سۋديا جارىلعاسوۆا: ءبىر ساعات ىشىندە. ول نەمەن بايلانىستى؟

جانگەلدى سۇلەيمەنوۆ: مەن بىلمەيمىن، ويدان ەشتەڭە شىعارىپ وتىرعان جوقپىن، سولاي قالىپتاسقان. (…)

سۋديا جارىلعاسوۆا: مەن جاۋاپ ەستىمەدىم. مۇنداي تاجىريبە نەمەن بايلانىستى؟

جانگەلدى سۇلەيمەنوۆ: مەن بىلمەيمىن…

 مارس باينيازوۆ: ءولىم-جىتىمدى تومەندەتۋ ءۇشىن…

سۋديا جارىلعاسوۆا: قالاي ءولىم-جىتىمدى تومەندەتۋ؟ ستاتيستيكانى ما؟

مارس باينيازوۆ: ستاتيستيكانى. 

سۋديا جارىلعاسوۆا: ەگەر ناۋقاس ءبىر ساعات ىشىندە كوز جۇمسا، ناۋقاسناما تولتىرىلمايدى، ول ناۋقاستار ولگەندەر تىزىمىنە كىرمەيدى مە؟

مارس باينيازوۆ: كىرەدى. ءبىراق اۋرۋحانانىڭ ستاتيستيكاسىنا كىرمەيدى. قالا بويىنشا، رەسپۋبليكا بويىنشا (…)

سۋديا جارىلعاسوۆا: ادام ولسە، وعان اۋرۋحانانىڭ ناۋقاسناماسى تولتىرىلمادى دەرلىك، ولار قالاي ەسەپتەلەدى؟

مارس باينيازوۆ: ەمحانا ارقىلى. 

سۋديا جارىلعاسوۆا: جالپى نۇسقاۋلىق بويىنشا ناۋقاسناما تولتىرىلۋى ءتيىس پە؟ بارلىق ناۋقاسارعا؟  

مارس باينيازوۆ: ءتيىس.

 سۋديا جارىلعاسوۆا: جارايدى، ول "جەدەل جاردەممەن" تۇسپەگەن ناۋقاستارعا قاتىستى شىعار. ال "جەدەل جاردەممەن" تۇسكەن ناۋقاستار؟

مارس باينيازوۆ: وعان قارامايدى.  سوت وتىرىسى ءالى اياقتالعان جوق.