الەۋمەتتىك جەلىدە وعىز دوعان ەسىمدى تۇركيالىق ءجۋرناليستىڭ ەير-استانا ۇشاعىنداعى جولسەرىكتەن قازاق تىلىندە قىزمەت كورسەتۋدى سۇراعان، الايدا وعان جاۋاپ رەتىندە جولسەرىك زاڭ جازىلعان قاعازدى ۇسىنىپ، پوليسيا شاقىراتىنىن ايتقان ۆيدەوسى تارالدى دەپ جازادى Qamshy.kz اقپارات اگەنتتىگى.

بىرنەشە ۋاقىتتان كەيىن Facebook قولدانۋشىسى وعىز دوعاننىڭ پوليسيا بولىمشەسىندە ەكەنىن جانە وعان زاڭگەر قاجەت ەكەنىن جازعان. ءدال وسى جازبانىڭ استىنا ەير-استانانىڭ Facebook-تەگى رەسمي پاراقشاسىنان اتالمىش وقيعاعا قاتىستى تۇسىنىكتەمە بەرىلەتىنى جازىلعان. ازىرگە جاۋاپ جوق.

جەلى قولدانۋشىلارى ەير-استانانى قاتاڭ سىنعا الىپ، قازاق تىلىندە قىزمەت كورسەتۋدى تالاپ ەتكەنى ءۇشىن پوليسياعا الىپ كەتۋدى باسسىزدىققا بالاپ وتىر.

زاڭگەر كامشات ەسمۇxامبەت قىزىنىڭ ايتۋىنشا، زاڭ بويىنشا كەز كەلگەن ازامات قالاعان تىلىندە جاۋاپ الا الادى.

"ق ر ءتىل تۋرالى زاڭنىڭ 7-بابىنا سايكەس، تiلدەردiڭ قولدانىلۋىنا كەدەرگi كەلتiرۋگە، قازاقستان رەسپۋبليكاسىندا تiلدiك بەلگiسi بويىنشا ازاماتتاردىڭ قۇقىقتارىن كەمسiتۋگە جول بەرiلمەيدi. ياعني، كەز كەلگەن ازامات قاي تىلدە اقپارات العىسى كەلسە، سول تىلدە جاۋاپ الۋ ءتيىس. 

ەلباسىمىز نۇرسۇلتان ءابىش ۇلى نازاربايەۆ تىلدەردى دامىتۋ تۋرالى زاڭناماسىنا سايكەس بارشا قازاقستاندىقتىڭ ءتىلدى مەڭگەرۋى قاجەت ەكەنىن ايتقان. ال وعىز دوعاندى پوليسياعا اكەتكەنىنە قاتىستى ونىڭ ءىس ارەكەتىن انىقتاعان سوڭ عانا ايتا الامىن. نەگىزسىز ادامداردى ۇستاپ، رەيستەن قالدىرۋ زاڭعا قايشى"، – دەيدى زاڭگەر.