16 جانە 17 تامىز كۇندەرى ساعات 19:00 م.گوركيي اتىنداعى مەملەكەتتىك اكادەميالىق ورىس دراما تەاترى ساحناسىندا وسى جازدىڭ كوپتەن كۇتتىرگەن سپەكتاكلىنىڭ تۇساۋكەسەرى وتەدى دەپ حابارلايدى Qamshy.kz اقپارات اگەنتتىگى استانا اكىمدىگىنىڭ باسپا ءسوز قىزمەتىنە سىلتەمە جاساي وتىرىپ. 

تەاتر اكتەرلەرى كورەرمەندەر نازارىنا الەكساندر سەرگەيەۆيچ پۋشكيننىڭ ولمەس شىعارماسى – «ەۆگەنيي ونەگين» رومانىنىڭ ساحنالانعان نۇسقاسىن ۇسىنادى.

ەلوردا تۇرعىندارى مەن قوناقتارىن جارقىن، ەستە قالاتىن، باسقا ەشبىر قويىلىمعا ۇقسامايتىن سپەكتاكل كۇتۋدە. ونى تاماشالاعان كورەرمەندەر «مادەنيەت ەنسيكلوپەدياسىن» قايتا وقىپ، ورىس ادەبيەتىنىڭ التىن عاسىرىنا ۇڭىلە الادى، – دەيدى تەاتردىڭ شىعارماشىلىق ۇجىمى. 

رەسەيلىك تانىمال تەاتر رەجيسسەرى يۋريي كۆياتكوۆسكيي كورەرمەندەر ءۇشىن پۋشكين شىعارماسىن جاڭا، كۇتپەگەن، ويلاماعان قىرىنان اشادى. قويۋشى رەجيسسەر ءححى عاسىر ادامدارىنا «ەۆگەنيي ونەگين» رومانىن تەرەڭ ءتۇسىندىرۋ ءۇشىن ساحنادا جاڭا ارەكەتتەر مەن ايلا-تاسىلدەردى قولدانادى.

سپەكتاكل رەسەي فەدەراسياسى تەاتر قايراتكەرلەرى وداعىمەن بىرلەسە قولعا الۋدا.