قازاق جەتى سانىن قاسيەتتى دەپ ەسەپتەگەن. جەتى قات كوك، جەتى عالام، جەتى عاشىق، جەتى مۇشە، جەتى جۇت، جەتى امال، جەتى قازىنا دەپ اتا -بابامىز قورشاعان ورتانى، تابيعات جاراتىلىسىن، پەندەگە قاتىستى قۇبىلىستاردى جىك-جىككە ءبولىپ، ءارقايسىسىنا ات بەرىپ، ەن تاعىپ كەتكەن. 
1. جەتى قات كوككە جاتاتىندار: اي، مەركۋريي، شولپان، كۇن، قىزىل جۇلدىز (مارس)، يۋپيتەر، ساتۋرن.
2. جەتى عالام: كۇنشىعىس، كۇنباتىس، تۇستىك، تەرىستىك، اسپان -جوعارى عالام، جەر-ورتا عالام، جەر استى -تومەنگى عالام.
3. جەتى عاشىق: ءلايلى-ماجنۇن، ءجۇسىپ-زىليحا، فارحات -شىرىن، سەيپىل-مالىك- جامال، تاحير-زۋحرا، قوزى كورپەش -بايان سۇلۋ، بوزجىگىت-انۋاز. 
4. جەتى مۇشە: باس، ەكى قول، ەكى اياق، كەۋدە، ءىش.
5. جەتى جۇت: ءزىلزالا،سوعىس، ءورت، سەل، قۋاڭشىلىق، ىندەت، اق قار-كوك مۇز.
6. جەتى امال: كۇننىڭ توقىراۋى، قاراشانىڭ قايتۋى، ۇركەردىڭ باتۋى، مۇزدىڭ قاتۋى، كيىكتىڭ ماتاۋى، توقساننىڭ كىرۋى، ايدىڭ توعامى. 
7. جەتى قازىنا: جۇيرىك ات، قاققىش تازى، العىر قىران، ءتۇزۋ مىلتىق، قارا قازان، الماس كەزدىك، شاڭىراق. 

"جەتى قازىنا" كىتابىنان