ءانشى الي وقاپوۆ رەسمي تۇردە الماتى قالاسى جاستار ساياساياتى ماسەلەلەرى جونىندەگى باسقارماسىنىڭ مۇشەسى بولىپ تاعايىندالدى. وسى جايىندا تولىق اقپارات الۋ ءۇشىن الي مىرزامەن سۇحباتتاسىپ، ناقتى جاۋاپتارىن العان ەدىك.
- بىرىنشىدەن، الماتى قالاسى جاستار ساياساتى ماسەلەلەرى جونىندەگى باسقارماسىنىڭ مۇشەسى بولىپ تاعايىندالۋىڭىزبەن قۇتتىقتايمىز. مۇشەلىككە قالاي تاعايىندالدىڭىز؟
- جالپى مۇشەلىككە تاعايىندالاتىن ادامدار اراسىندا ىرىكتەۋ ءوتتى. ياعني، ينتەرنەت ارقىلى ونلاين داۋىس بەرۋ جۇرگىزىلىپ، داۋىس بەرىلدى. ناتيجەسىندە كوپ داۋىس جيناعان ۇمىتكەرلەر مۇشەلىككە قابىلداندى.
- مۇشەلىككە تاعايىندالۋعا كىم ۇسىنىس جاسادى نەمەسە ءوزىڭىز نيەت ءبىلدىردىڭىز بە؟
- جوق، مەن ءوزىم ۇسىنىس جاساعان جوقپىن. جالپى اكىمشىلىك وزدەرى كانديدات بولۋعا لايىقتى دەپ ساناپ، مەنەن «ىرىكتەۋگە قوسۋعا بولا ما؟» دەپ رۇقسات سۇرادى. مەن رۇقساتىمدى بەردىم. ارينە، بۇل كۇتپەگەن ناتيجە بولدى. ىرىكتەۋدەن ءوتتىم. داۋىس جيناۋ جاعىنان ارتىستەرگە وڭاي دەۋگە بولادى. ءبىراق ءبىز ەڭ كوپ داۋىس جيناعاندار قاتارىنان ەمەسپىز. ىرىكتەۋدەن وتكەن بارلىق ارتىستەردىڭ ناتيجەسى ورتاشا بولدى. كوبىمىز ەكى مىڭعا جۋىق داۋىس جيناپپىز. ارامىزدا ون مىڭعا دەيىن داۋىس جيناعان باسقا سالا وكىلدەرى دە بار. جالپى ءبىز ءوزىمىزدى ۇسىنىپ، حالىقتان داۋىس جيناعان جوقپىز. مەن ءوزىم بايقاعان دا شىعارسىزدار، ەشبىر الەۋمەتتىك جەلىدە، سۇحباتتارىمدا بۇل جايلى ايتقان دا جوقپىن، «ماعان داۋىس بەرىڭىزدەر» دەگەن اڭگىمە بولعان جوق. سەبەبى، بىرىنشىدەن ءادىل بولۋى كەرەك، ەكىنشىدەن كىمگە داۋىس بەرىپ، كىمدى تاڭدايتىنىن حالىق ءوزى بىلەدى.
- ەندى مۇشەلىكتەگى قىزمەتىڭىز بەن مىندەتىڭىز قانداي؟
- ءبىز كەڭەس رەتىندە جاستار ماسەلەسىنە بايلانىستى جينالىپ، بىر-بىرىمىزبەن كەڭەسىپ وتىرامىز. ءاربىر وتىرىستا ءتۇرلى ماسەلەلەر توڭىرەگىندە سويلەسىپ، شەشۋ ماسەلەسىن قاراستىرامىز. ناقتى ءبىر مىندەتىمىز بار دەۋگە بولمايدى.
- الدىندا ارتىستەر جايلى ايتىپ كەتتىڭىز، سىزدەن باسقا تاعى قانداي شوۋ-بيزنەس وكىلدەرى مۇشەلىككە تاعايىندالدى؟
- اكتەر انۋار نۇرپەيسوۆ، سيرك ءارتىسى مۇرات مۇتىرعانوۆ، ۆولەيبولشى سابينا التىنبەكوۆا، نتك ارناسىنىڭ جۇرگىزۋشىسى سالتانات بەكجىگىتوۆا.
- شىعارماشىلىق جۇمىستارىڭىزعا كەدەرگى كەلتىرمەيدى عوي؟
- جوق، مۇلدەم كەدەرگى كەلتىرمەيدى.
سۇحباتتاسقان ايدا جۇماعالي
Baistars.kz
