تانىمال قازاقستاندىق ءانشى ديماش قۇدايبەرگەن "گرەممي" يەگەرىمەن دۋەت بولىپ ءان شىرقايدى دەپ جازادى Qamshy.kz اقپارات اگەنتتىگى. بۇل تۋرالى ءانشى الەۋمەتتىك جەلىدەگى پاراقشاسىندا حابارلادى.
ەسكە سالا كەتسەك، بۇعان دەيىن ديماش قۇدايبەرگەن ايگىلى كومپوزيتور، پروديۋسەر ۋولتەر افاناسەففپەن بىرگە جۇمىس ىستەيتىنىن ايتقان ەدى.
«بۇگىن مەن تاماشا كىسىنىڭ ۇيىندە بولدىم. ول "GRAMMY" جۇلدەسىنىڭ ەكى دۇركىن يەگەرى. مايكل دجەكسون، مارايا كەري، ۋيتني حيۋستون سىندى ءىرى تۇلعالارمەن جۇمىس ىستەگەن ۇلى كومپوزيتور جانە پروديۋسەر. سەلين ديون ورىنداعان "تيتانيك" تەلەفيلمىنىڭ ساۋندترەگى "My heart will go on" ءانىن دە دۇنيەگە الىپ كەلگەن وسى ۋولتەر مىرزا. قانشا جەردەن تاريحي جوبالاردا بوي كورسەتسە دە، وتە قاراپايىم، وتە سىپايى. الداعى ۋاقىتتا قۋانتامىز»، — دەپ بولىسكەن ەدى ءانشى.
