كۇنى كەشە پورتالىمىزدا م.و.اۋەزوۆ اتىنداعى ادەبيەت جانە ونەر ينستيتۋتى عالىمدارىنىڭ مۇحتار شاحانوۆ جايىندا ايتقان مالىمدەمەسى جاريالانعان. عالىمداردىڭ پىكىرىنە جاۋاپ رەتىندە حات قورجىنىمىزعا اقىن كەنجەعالي قوشىم-نوعايدىڭ «يت ءۇردى دەپ توقتاپ قالماس كەرۋەن» اتتى ولەڭى كەلىپ ءتۇستى. «قامشى» پورتالى ەركىن پىكىر الاڭى بولعاندىقتان، ونى دا جاريالاۋدى ءجون كوردىك.
Qamshy.kz اقپارات اگەنتتىگى
شىنشىلدىقتى قانمەن بىزگە دارىتقان،
نەگە ءقازىر قورقاقتايمىز جارىقتان؟
قانداي كۇنا جاساپ قويدى بۇل مۇحتار،
سۇرايتىنداي كەشىرىمدى حالىقتان!؟.
كەيبىرەۋلەر باقىت كورەر قۇلدىقتى.
«ىشكە بۇگىپ جاتسا» دەيدى سۇمدىقتى.
ونەر بوپ پا كورپە استىندا كۇڭكىلدەۋ،
ەرلىك دەر ەم ايتا الۋ شىندىقتى!
شىندىق جەتسە قاي كەزدە دە بايتاققا،
داۋىل سىندى جىبەرەدى شايقاپ تا.
شابالانۋ قاشاننان دا يتكە ءتان،
ەرمەسە ەگەر نەسى ونىڭ يت ايتاققا؟
قاسيەتتەر قونار بويعا تەگىنەن،
وڭار ما ەر قۇندىلىقتان جەرىگەن.
ماحامبەت تە ايتىپ ولگەن ايتارىن،
يت ءۇردى دەپ توقتاپ قالماس كەرۋەن.
كەنجەعالي قوشىم-نوعاي
