دجە́كي چان — گونكونگتىق، قىتايلىق، امەريكالىق اكتەر، كاسكادەر، كينورەجيسسەر، پروديۋسەر، سەناريست، تريۋكتەر مەن سوعىس كورىنىستەرىن قويۋشى، ءانشى، مەيىربان (فيلانتروپ-قايىرىمدىلىقپەن اينالىسۋشى)، جاۋىنگەرلىك ونەر شەبەرى، قحر-داعى كونە كينوستۋديالاردىڭ ءبىرى — "چانچۋن" كينوستۋدياسىنىڭ باس رەجيسسەرى.
ءبىر نارسەگە دارىندى ادام، وزگە ىستە دە قابىلەتتى، ونەرلى بولادى دەيدى كوپشىلىك. مەنىڭشە، ول ەڭبەكتەن. اللا ادامنىڭ ءبارىن دارىندى ەتىپ جاراتقان. سانالى ادام بولىپ دۇنيەگە كەلگەنىنىڭ ءوزى بەكەر ەمەس. تەك جالقاۋلىق بار دا بويىمىزدا... ايتپەسە، ونەرسىز ادام بولمايدى. تىنىمسىز ەڭبەك پەن قاجىرلى قايراتتىڭ ارقاسىندا بويىڭدا جاسىرىنىپ، ۇيىقتاپ جاتقان دارىندى وياتۋ – وزىمىزدەن.
ەندەشە، بۇگىن ءبىر بويىندا سونشاما ونەرى بار دجەكي چاننىڭ بىرەر قاناتتى سوزدەرىنەن سۋسىنداپ، جىگەرىمىزگە جىگەر قوسا وتىرايىق...
***
ەشقاشان ەكىنشى بريۋس لي بولعىم كەلگەن ەمەس. مەن ءجاي عانا ءبىرىنشى دجەكي چان بولعىم كەلدى.
***
قولىمنان ەشنارسە كەلمەيدى دەگەن ادامدارعا سەنبە. ولار ءبىر بەيباق، بەيباق كۇيىندە قالا بەرمەك.
***
جەتىستىككە جەتۋدىڭ تۋرا جولى – ءوز ىسىڭە عاشىق بولۋ.
***
ەگەر جەتىستىككە جەتكىڭ كەلسە، التى كەمىستىكتەن اۋلاق بول: ۇيقىشىلدىق، جالقاۋلىق، قورقاقتىق، اشۋشاڭدىق، بوس سوزدىلىك جانە باتىلسىزدىق.
***
باقىت فورمۋلاسى: 80% — جۇمىس، 15% — قايىرىمدىلىق، 5% — تۋعان گونكونگقا دەگەن ماحاببات.
***
تۇك پايداسىز بوپە بولدىم. اپ-ارىق، ىلميگەن بالا بولدىم. تەنتەك ءجاسوسپىرىم بولدىم. ال ەندى شە؟ كىم بولعانىمدى كوردىڭ بە!
***
ەشبىر تريۋك جاساي الماي قالعان كۇن – مەنىڭ ەڭ سوڭعى جۇمىس كۇنىم بولادى.
***
كەيدە توقتاي قالامىن دا... «بۇگىن ءولىپ كەتۋىم مۇمكىن ەدى، ءا...» دەپ ويلايمىن.
***
كۇتپەگەن تانىمالدىلىق پەن اياقاستى بۇيىرعان ب ا ق ادامدى تۇبەگەيلى وزگەرتىپ جىبەرەدى.
***
ءوز مادەنيەتىڭدى قۇرمەتتەپ، ناسيحاتتاۋىڭ كەرەك.
***
دجەكيگە ۇقساۋعا تىرىسپاڭدار. ومىردە تەك ءبىر عانا دجەكي بار.
پىكىر قالدىرۋ