روزا رىمبايەۆا ۋكراينا تورىندە "جىل ادامى" حالىقارالىق جۇلدەسىنىڭ يەگەرى اتاندى دەپ حابارلايدى Qamshy.kz اقپارات اگەنتتىگى.
قازاقستاننىڭ حالىق ءارتىسى روزا رىمبايەۆاعا مادەنيەت جانە ونەر سالاسىنداعى حالىقارالىق پرەميا تابىستالدى. وتاندىق ەسترادا ءدۇلد ۇلى ونەر مەن مادەنيەت سالاسىنىڭ دامۋىنا ەلەۋلى ۇلەس قوسقانى ءۇشىن ماراپاتتالعان.
بۇل قۋانىشتى حاباردى ءبىرىنشى بولىپ ءانشىنىڭ ۇلى ءالي وقاپوۆ Instagram پاراقشاسىنا: "روزا رىمبايەۆا - جىل ادامى. ۋكراينا 2019. بەلارۋسيا مەن رەسەيدەن كەيىن، ەندى مىنە ۋكراينا دا انامدى ۇلكەن جۇلدەمەن ماراپاتتادى" دەپ جازىپ، كوپشىلىكتەن ءسۇيىنشى سۇرادى.
حالىقارالىق جۇلدەنى سالتاناتتى تۇردە تابىستاۋ ءراسىمى كييەۆ قالاسىنداعى تاراس شيەۆچەنكو اتىنداعى ۋكراينا ۇلتتىق وپەرا جانە بالەت تەاترىندا ءوتتى.
جالپىۇلتتىق «جىل ادامى» بايقاۋىنىڭ لاۋرەاتتارىنا جۇلدە تابىستاۋ ءراسىمى بيىل ۋكراينادا 23-رەت ۇيىمداستىرىلعان. بۇعان دەيىن بۇل ماراپاتقا يتاليا تەنورى الەسساندرو سافينا، وزبەكتىڭ حالىق ءارتىسى فاررۋح زاكيروۆ، ايگىلى توتو كۋتۋنو مەن فرانسۋز ءانشىسى پاتريسيا كااس يە بولعان.
ۇسىنعان: ماقپال سەمباي
