ديماشتىڭ اناسى ماسكەۋ قالاسىنداعى كونسەرتكە دايىندىق كەزىندەگى كەلەڭسىز جايت تۋرالى ايتتى دەپ جازادى Qamshy.kz اقپارات اگەنتتىگى.
"ءبىز ەلىمىزگە كەلدىك. دەمالىپ الىپ، ادەمى تۇستەي بولعان ديكونتايدىڭ كونسەرتتەرى تۋرالى، دايىندالعان كەزدەرىمىزدى ەسكە الىپ وتىرمىز. ەڭ الدىمەن ديماشتىڭ كونسەرتتىك كوستيۋمدەرىن شىن كوڭىلىمەن بار نيەتىمەن دايىنداپ، جەتكىزىپ بەرگەن داناعا جانە ونىڭ شەبەر قىزدارىنا ۇلكەن راحمەتىمدى ايتامىن. دانا مەن ديماش اقتوبەدە ءبىر مەكتەپتە وقىدى، بالالىق ادەمى كەزدەرى بىرگە ءوتتى، دانانىڭ دا تالانتىنا، شەبەرلىگىنە ريزامىز.وسە بەر! (كونسەرتكە ەكى كۇن قالعاندا كوستيۋمدەردى جوعالتىپ الىپ، قايتا تاپقانىمىز، سول كەزدەگى ۋايىم، جۇگىرىس....ەندى ءبارىن كۇلىپ ەسىمىزگە الامىز... "باسى قاتتى بولسا، اياعى ءتاتتى بولادى" دەگەن وسى ەكەن..." ، - دەپ جازدى سۆەتلانا ايتبايەۆا ءوزىنىڭ Instagram پاراقشاسىنا.
♦ديماشتىڭ كرەملدەگى العاشقى كونسەرتىنىڭ تولىق نۇسقاسى شىقتى (ۆيدەو)
ەسكە سالساق، 22-23 ناۋرىزدا ماسكەۋ قالاسىندا ديماشتىڭ كونسەرتى وتكەن بولاتىن. جاندى داۋىستا وتكەن ءان كەشى ءۇزىلىسسىز تۋرا 3 ساعاتقا جالعاستى. وسى ۋاقىت ارالىعىندا قۇدايبەرگەنوۆ رەپەرتۋارىنداعى قازاق، ورىس، فرانسۋز، اعىلشىن تىلدەرىندەگى اندەردى، سونداي-اق، جاڭا تۋىندىلارىن ورىندادى.
ۇسىنعان: اسەل بولات قىزى
پىكىر قالدىرۋ