جاڭا كەشەن ماڭعىستاۋ اۋىلىنداعى «بەسشوقى» تۇرعىن ءۇي ماسسيۆىندە ورنالاسقان. ينۆەستورلار قارجىسىنا سالىنعان 160 كورەرمەنگە ارنالعان دەنە شىنىقتىرۋ-ساۋىقتىرۋ كەشەنى ەلوردا كۇنىنە وراي پايدالانۋعا بەرىلدى. ينۆەستورى – «نورت كاسپيان وپەرەيتينگ كومپاني ن.ۆ» (نكوك). بۇل نىسان كومپانيانىڭ الەۋمەتتىك-ينفراقۇرىلىمدىق جوبالارىن جۇزەگە اسىرۋ شەڭبەرىندە بوي كوتەردى.

         كەشەننىڭ اشىلۋ راسىمىنە وبلىس اكىمى سەرىكباي ترۇموۆ قاتىسىپ، اۋىل جاستارى مەن سپورتشىلاردى ەلوردا كۇنىمەن قۇتتىقتادى.

     وسىلايشا ەلوردا كۇنى قارساڭىندا مۇنايلىلىقتارعا «نكوك» كومپانياسى كەزەكتى سىيلىعىن جاسادى. كومپانيا  بۇعان دەيىن بيۋدجەت سالاسى قىزمەتكەرلەرىنە ارنالعان 100 ورىندىق جاتاقحانا مەن سىيىمدىلىعى 500 ورىندىق كىتاپحاناسىمەن بىرگە مادەنيەت ءۇيىن سالىپ بەرگەن بولاتىن.

      160 كورەرمەنگە ارنالعان دەنە شىنىقتىرۋ-ساۋىقتىرۋ كەشەنىنىڭ عيماراتى 2 قاباتتان تۇرادى. قارجىلاندىرۋ كولەمى – 466،187 ملن. تەڭگە. قۇرىلىس 2018 جىلدىڭ مامىر ايىندا باستالدى.  نىساننىڭ جالپى اۋدانى 1307،4 شارشى مەتردى قۇرايدى. سپورت كەشەنىندە فۋتبول، ۆولەيبول، باسكەتبول، ۇستەل تەننيسى، گاندبول، جەڭىل اتلەتيكا، كۇرەس، دزيۋدو، ارمرەستلينگپەن شۇعىلدانۋعا بولادى. عيماراتتىڭ سىرتى جاراقتاندىرىلعان جانە كوگالداندىرىلعان. ويىن الاڭدارى تالاپقا ساي جابدىقتالعان.