بۇل جونىندە بۇگىن وڭىرلىك كوممۋنيكاسيالار الاڭىندا وتكەن بريفينگتە ءتۇپقاراعان اۋدانىنىڭ اكىمى ايدوس حامييەۆ مالىمدەدى.

ءتۇپقاراعان اۋدانى تۇرعىندارى تولىعىمەن اۋىز سۋمەن قامتاماسىز ەتىلگەن. «نۇرلى جول» باعدارلاماسى بويىنشا 1،4 ملرد. تەڭگە نەسيە ءبولىنىپ، فورت-شيەۆچەنكو قالاسى مەن باۋتينو اۋىلىنا اۋىز سۋ قۇبىرىن تارتۋ جۇمىستارى جۇرگىزىلۋدە، دەدى ءتۇپقاراعان اۋدانىنىڭ اكىمى وڭىرلىك كوممۋنيكاسيالار الاڭىندا وتكەن بريفينگتە .

اقشۇقىر اۋىلىنان ۇزىندىعى 40 شاقىرىم، سايىن شاپاعاتوۆ اۋىلىنان 53 شاقىرىم بولاتىن اۋىلىشىلىك سۋ قۇبىرىنىڭ قۇرىلىسى جۇرگىزىلۋدە. 2 جوبا بويىنشا دا مەردىگەر مەكەمە «سك ترانسكومستروي» ج ش س. كەلىسىم-شارت قۇنى 1،2 ملرد. تەڭگە. 1650 ءۇيدى قامتيتىن جوبانى بيىل اياقتاپ، تاپسىرۋ جوسپارلانۋدا.

تاۋشىق اۋىلىنان 20،7 شاقىرىمدىق اۋىلىشىلىك سۋ قۇبىرىنىڭ قۇرىلىسى اياقتالىپ، قولدانىسقا بەرىلدى.

گازبەن قامتۋ بويىنشا دا ءبىرشاما جۇمىستار اتقارىلۋدا. اتاپ ايتساق، جىل سوڭىنا دەيىن قۇنى 736 ملن. تەڭگە بولاتىن اقشۇقىر-2 اۋىلىنىڭ 1،2،3،4 ورامدارىنداعى جالپى 898 تۇرعىن ءۇيدى گازبەن جابدىقتاۋ جۇمىستارى اياقتالادى. سونىمەن قاتار، كوپتەگەن جىلداردان بەرى كوتەرىلىپ كەلە جاتقان ماسەلەلەردىڭ ءبىرى اقشۇقىر اۋىلىنداعى بەگەي تۇرعىن ءۇي الابىنا گاز تارتۋ جۇمىستارى باستالدى. بەگەي تۇرعىن ءۇي الابىنان 100 ءۇيدى جانە اقشۇقىر اۋىلىنىڭ گاز جۇيەسى جوق كوشەلەرىن گازبەن جابدىقتاۋ بويىنشا 564،8 ملن. تەڭگەگە ءبولىنىپ، جۇمىستار باستالدى. سونىمەن قاتار، سايىن شاپاعاتوۆ سەلوسىنىڭ جاڭا 6 كۆارتالىندا 1312 ۋچاستوككە گازبەن تارتۋ بويىنشا «سمك-4» مەكەمەسىمەن 2،2 ملرد. تەڭگەگە كەلىسىم-شارت جاساقتالدى.

سونداي-اق «نۇرلى جەر» باعدارلاماسى اياسىندا جەكە تۇرعىن ءۇي سالۋعا جەر كەزەگىندە تۇرعانداردىڭ ارىزىن قاناعاتتاندىرۋ ماقساتىندا فورت-شيەۆچەنكو قالاسىنىڭ جاڭا كەتىك اۋماعىنان 900 ۋچاستوككە گاز جەلىسىن تارتۋ بويىنشا مەردىگەر مەكەمەمەن كەلىسىم-شارت جاساقتالىپ، قۇرىلىس جۇمىستارى باستالعان.

ەلدى-مەكەندەردىڭ اۋىلىشىلىك جولدارىن اسفالتتاۋ جۇمىستارى اياسىندا اقشۇقىر اۋىلىنان جوعارعى جانە تومەنگى بولىگى دەپ اتالاتىن جالپى ۇزىندىعى 12،1 شاقىرىمدى قۇرايتىن 2 اۆتوموبيل جولىن اسفالتتاۋ جۇمىستارى باستالدى. ەكى جوبا بويىنشا دا مەردىگەر مەكەمە «اقجول قۇرىلىس» ج ش س.