اقتاۋ قالاسىنداعى نازاربايەۆ زياتكەرلىك مەكتەبىنىڭ 7 سىنىپ وقۋشىلارىنا "شاڭىراق" قوعامدىق قورى قوناققا كەلدى. قور وكىلدەرى بالالارعا شوققا تابا نان ءپىسىرۋدى، قۇرت دايىنداۋدى، ساماۋرىنعا شاي قايناتۋدى كورسەتتى.
- ءبىزدىڭ باستى ماقساتىمىز وسىپك ەلە جاتقان وسكەلەڭ ۇرپاققا قازاقتىڭ ءداستۇرلى تۇرمىس-تىرشىلىگىن كورسەتىپ، تانىستىرىپ، كورسەتۋ بولدى. بۇل بالالاردىڭ رۋحاني تۇرعىدان بايىپ، قازاقتىڭ سالتىن ءبىلىپ جۇرۋگە، بولاشاقتا ۇستانۋىنا سەپتىگىن تيگىزەدى دەگەن ويدامىز، - دەيدى قور جەتەكشىسى رىسگۇل يگىلىكوۆا.
قور وكىلدەرى مەكتەپ الاڭىنا وشاق قازىپ، قيدان شوق دايىنداپ تابا ناندى ءپىسىرۋ جولىن كورسەتتى. سونىمەن قاتار، قۇرتتى ءتۇيۋدى كورسەتىپ، ونىڭ تۇرلەرى جايلى باياندادى.
ءوز كەزەگىندە زياتكەرلەر قور مۇشەلەرىنە العىس ءبىلدىرىپ، قارا جورعا ءبيىن توپ بولىپ بيلەپ بەردى. 
پىكىر قالدىرۋ