بۇگىن استانا قالاسىندا قازقستان پاتريوتتار پارتياسىنىڭ كەزەكتەن تىس حIV سەزدى ءوتتى. اتالمىش سەزدگە پارتيانىڭ بارلىق ايماقتارداعى وكىلدەرى قاتىسقان. بۇل تۋرالى «قامشى» پورتالى حابارلايدى.
بيىلعى جىلعى سەزدە پاتريوتتار پارتياسىنىڭ جاڭا ءتوراعاسىن سايلاۋ ماسەلەسى تالقىعا سالىندى.
ال پارتيا ءتوراعاسى قىزمەتىن اتقارىپ كەلگەن عاني قاسىموۆ مىرزا، الدىمىزداعى وزەكتى ماسەلەلەردى شەشۋ ءۇشىن پارتيا قۇرىلىمىنا وزگەرىستەر ەنگىزۋ كەرەك ەكەنىن ايتقان. سونداي-اق، ول ەندىگى جەردە ۇلتتىق پالاتا جۇمىستارىمەن قاۋىرت ەكەنىن ايتىپ، مەملەكەت باسشىسىنىڭ تاپسىرمالارىن ورىنداۋ ءۇشىن پارتيادان كەتەتىن مالىمدەگەن.
سەزد بارىسىندا پاتريوتتار پارتياسىنىڭ ءتوراعالىعىنا كوپجىلداردان بەرى پارتيانىڭ مۇشەسى بولىپ كەلە جاتقان تولىمبەك گابديلاشيموۆتىڭ كانديداتۋراسى ۇسىنىلىپ، پارتيا سەزد دەلەگاتتارى ءبىر اۋىزدان ونىڭ كانديداتۋراسىن ماقۇلداعان.
ەستەرىڭىزدە بولسا، وسىعان دەيىن «قامشى» پورتالى «قازاقستان كومپارتياسىنىڭ» جابىلعانى تۋرالى ماقالا جاريالاعان بولاتىن. وندا قازاقستانداعى ءتۇرلى ساياسي پارتيالار كۇشىنىڭ السىرەۋى قازاقستانداعى بيلەۋشى پارتيانىڭ ىرگەسىن كەڭەيتۋگە باعىتتالعان استىرتىن جۇمىستاردىڭ كورىنىسى ەمەس پە دەگەن بولجام ايتىلعان.
ەلباسىنىڭ ءوزى ايتقانداي باس پارتيانىڭ ساياسي ىقپالىن ارتتىرۋ ءۇشىن ەكىنشى ديۆيزيونداعى پارتيالاردى پرەزيدەنتتىك پارتياعا قوسۋ ناۋقانى باستالىپ كەتكەندەي.
بۇل پرەزيدەنتتىك پارتيانىڭ ىرىلەنۋى – ياعني، مونوپوليست پارتيانىڭ قۇرىلۋى، دەموكراتيالىق قۇرىلىمنىڭ دامۋىنا كەرى اسەرىن تيگىزبەي مە؟ عاني قاسىموۆتىڭ پارتيادان كەنەت كەتۋىنىڭ استىرىندا نە جاتىر؟
بيلىك توڭىرەگىندەگى ۇساق پارتيالاردىڭ بيلەۋشى پارتيانىڭ قۇرامىنا كەنەت قوسىلۋى – كەزىندەگى كەڭەستىك پارتيانىڭ سۇلباسىن ەلەستەتەتىنى بەلگىلى. دەمەك، ورتالىق پارتيانىڭ ىرىلەنۋى – توتاليتارلى جۇيەنىڭ قايتا ورنايتىنىن بىلدىرمەي مە؟
نۇرگەلدى ءابدىعاني ۇلى
