Armenıa halqynyń genetıkalyq turaqtylyǵy ǵalymdar úshin áli de jumbaq bolyp tur.

Reseı akademıasynyń ǵalymdary, Armenıa ǵylym akademıasynyń zertteýshileri, dat jáne brıtandyq ǵalymdar, jalpy 18 maman armán áıelderiniń genetıkalyq erekshelikterin zerttedi. Ótken ǵasyrlardaǵy áıelder men XXI ǵasyr áıelderi de zertteýden ótti. Nátıjesinde ǵalymdar ań-tań: armán áıelderi qaı ǵasyrda da ózgermegen, sol qalpy.

Zertteýshiler osydan 8 myń jyl buryn ómir súrgen armán halqynyń 52 qańqasynyń DNQ-syn shyǵardy. Olardy búgingi kúni ómir súrip jatqan áıelderdiń DNQ-symen salystyrdy. Tolyq mıtohondrıaly genomdardyń analızi aıyrmashylyqtyń múlde joq ekenin kórsetti.

Áıelderdiń genofondy birneshe myńdaǵan jyl boıy bir ózgermegen. Bul týraly ǵalymdar Current Biology jýrnalyna tańdanyspen aıtyp berdi.

-Búginde Armenıa ornalasqan mekenge adamdar shamamen 18 myń jyl buryn qonystana bastaǵan – muz dáýiriniń aıaǵyna tap keledi, - dep túsindirdi Danıa geogenetıka ortalyǵynyń zertteýshisi Ashot Margarán. – Ejelde ol Eýropa men Taıaý Shyǵystyń arasyndaǵy kópir sıaqty boldy. Shamamen 3 myń jyl buryn mıgrasıa jappaı jınaldy. Halyqtar aralasty, mádenıetter aýysty. Alaıda munyń bári armán áıelderin aınalyp ótipti. Bári ózgergen, tek armán arýlary emes.

Armándyqtardyń genetıkalyq turǵydan tazalyǵyn ǵalymdar áli de anyqtaı alǵan joq. Tipti boljamdary da joq eken. «Sonda armán áıelderi 8 myń jyldan beri ózge ultpen múlde nekege turmaǵan ba, jaqyn qarym-qatynasta bolmaǵan ba? Múmkin emes!» dep olar tańdanystaryn jasyrmady.

Muny zertteý úshin endi olar Ázirbaıjan jáne Grýzıadaǵy genetıkalyq zertteýlerdiń kómegine júginbek.

Derekkóz: NovostıK

Usynǵan: Gúlim Jaqan