ەر ەدىم ەل دەگەندە ەرلەنەتىن،
بۇرايىن اقيقاتتىڭ سوزگە بەتىن.
جەر ساتىلاد، جەر جالعا بەرىلەد دەپ،
دوكەيلەر كورسەتۋدە توردە دەسىن.
بۇنى ويلاپ كەڭىردەكتەن اس وتپەيدى،
ءتۇرى جوق شەندىلەردىڭ شەرلەنەتىن.
جەردى ساتۋ ەمەس پە ەلدى ساتۋ،
وتاننىڭ وپىرعاندىق بەلدەمەسىن.
وزىنە بايانسىز جەر بولعاندىقتان،
وسىندا بۇرعان ەدى وزگە كوشىن.
قورقىتتىڭ كورى بولسا قايدا بارساق،
جىلجىدى جىلى ورىننان ەل دە نەسىن؟
تۇيمەدەي توپىراعىن اڭساپ كەلگەن،
باسقاعا باۋىرلاستار سەنبەگەسىن.
جالعاندىق جارناماسى جالعا بەرۋ،
جاي ەمەس كوڭىل كونشىپ، كوز كورەتىن،
قايتارماي ما قازىنالى كەندەرىمەن،
ورمانى وزگەرگەسىن ءوڭ بەرەتىن.
ارىنان ايىرىلعان قىز سەكلىدى،
تونالعان جات قولىندا جەر دە جەتىم.
پاتشانىڭ ماڭىندا ءجۇر كەيبىرەۋلەر،
وپاسىز وسىنى دا ءجون كورەتىن.
جەكە باستىڭ قامى عوي جەزدە مەنەن،
جەڭ ۇشىنان جالعاسقان جەڭگە بولسىن.
ۇياتتى بوپ جۇرمەيىك بابالارعا،
قۇمارتىپ قۇلقىن ۇشىن تەڭگەگە تىم.
شەكارانى بويلاتا شەبىن قۇرىپ،
جەتەرلىك جەرلەرگە اتقان ەر جەبەسىن.
سولاردىڭ قانىمەنەن قالعان دالا،
قازاققا مەكەن قارا كومبە بولسىن.
سەتىنەپ جەرمەن بىرگە بەرەكەمىز،
سەرگەلدەڭ كۇي كەشپەيىك سەندەلەتىن.
ەسكەرسەڭىز ەلىڭنىڭ داتى وسىلاي،
حان ەكە مەملەكەتتى مەڭگەرەتىن.
جەم بولىپ كەتپەيكشى قۇزعىندارعا،
جەر قالماي ءبىر كۇندەرى جەرلەنەتىن!
ەرلان تولەۋباي ۇلى
2016-جىل 22ء-ساۋىر
پىكىر قالدىرۋ