سۋرەت ازاتتىق سايتىنان الىندى

ق ر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتىنىڭ ءتوراعاسى سەرىك جۇمانعارين 2017 جىلعى 1 قاڭتاردان باستاپ ەاەو شەڭبەرىندە تەڭ جاعدايلار جاساۋ ءۇشىن ءبىرقاتار سالالاردا باعا رەتتەۋ جويىلاتىنىن مالىمدەدى، - دەپ حابارلايدى Qamshy.kz Baq.kz-كە سىلتەمە جاساپ.

«قازىرگى كەزدە قازاقستاننىڭ ماقساتى – باسەكەلەستىك ماسەلەلەرىندە ەكونوميكالىق ىنتىماقتاستىق جانە دامۋ ۇيىمىنىڭ (ەىدۇ) پرينسيپتەرى مەن ستاندارتتارىنا سايكەس كەلۋ، ال بۇل ەلىمىزدىڭ تاۋار نارىقتارىندا باسەكەلەستىك ءۇشىن اسا جەتىلدىرىلگەن جاعدايلار جاساۋدى بىلدىرەدى»، — دەدى س. جۇمانعارين.

«ءبىرىنشى كەزەڭدە 2015 جىلى مونوپولياعا قارسى ورگان جۇمىسىنىڭ تۇجىرىمداماسىن وزگەرتۋ جونىندە زاڭناماعا كولەمدى تۇزەتۋلەر ەنگىزىلدى. وسى جۇمىس شەڭبەرىندە كاسىپكەرلىك كودەكسىنە «باسەكەلەستىك تۋرالى» زاڭ يمپلەمەنتاسيالاندى، سونداي-اق ءبىرقاتار جاڭا وزگەرىستەر مەن تولىقتىرۋلار ەنگىزىلدى. مونوپولياعا قارسى ورگاننىڭ جاڭا تۇجىرىمداماسى – كاسىپكەرگە ايىپپۇل سالۋ ەمەس، باسەكەلەستىك زاڭناماسىن بۇزۋشىلىقتاردىڭ ەلەۋلى سالدارلارى تۋرالى حابارلاۋ جانە ەسكەرتۋ ەكەنىن ءتۇسىنۋ ماڭىزدى»، — دەدى كوميتەت ءتوراعاسى.

ونىڭ ايتۋىنشا، جۇمىستىڭ ەكى جىلدىق سيكلىنىڭ باستى قورىتىندىلارىنىڭ ءبىرى مەملەكەتتىك باعا رەتتەۋدەن نارىقتىق باعا بەلگىلەۋگە ءوتۋ بولادى.

«وسى ماقساتتا دومينانتتار ءتىزىلىمى 900-دەن 254 نارىق سۋبەكتىسىنە دەيىن قىسقاردى جانە ونى تەمىر جول كولىگى، ەلەكتر جانە جىلۋ ەنەرگەتيكاسى، مۇناي ونىمدەرىن ءوندىرۋ، مۇنايدى تاسىمالداۋ، ازاماتتىق اۆياسيا، پورت قىزمەتى، تەلەكوممۋنيكاسيالار جانە پوشتا بايلانىسى، سونداي-اق گاز سالاسىنداعى رەتتەلەتىن نارىق سۋبەكتىلەرىنە قاتىستى عانا جۇرگىزۋ بولجانادى. 2017 جىلعى 1 قاڭتاردان باستاپ وسى نارىقتاردا باعا رەتتەۋ جويىلادى. باعا رەتتەۋدى جويۋ ەاەو شەڭبەرىندە تەڭ جاعدايلار جاساۋ شاراسى رەتىندە ەنگىزىلدى»، — دەپ حابارلادى كوميتەت باسشىسى.

باعا رەتتەۋدى جويۋ كورسەتىلەتىن قىزمەتتەرگە باعانىڭ نەگىزسىز كوتەرىلۋىنىڭ بەلگىلى ءبىر تاۋەكەلىن تۋدىرۋى مۇمكىن بولعاندىقتان، 2020 جىلعا دەيىن ازاماتتىق اۆياسيا، تەمىرجول كولىگى، ەلەكتر ەنەرگەتيكاسى، گازبەن جابدىقتاۋ سالالارىنداعى قوعامدىق ماڭىزدى نارىقتاردا باعا رەتتەۋدىڭ جاڭا ءتۇرىن ەنگىزۋ كوزدەلۋدە.

ق ر ۇەم-دە تۇسىندىرگەندەي، رەتتەۋ جۇيەسىن رەفورمالاۋ باعا رەتتەۋدەن مونوپولياعا قارسى رەتتەۋگە ءوتۋ جولىمەن بولادى (بۇل مونوپوليالىق جوعارى باعالاردى بەلگىلەۋمەن بايلانىستى بۇزۋشىلىقتاردىڭ جولىن كەسۋ، كارتەلدەرمەن كۇرەستى كۇشەيتۋ، ساتىلاس كەلىسىمدەردىڭ جولىن كەسۋ جانە باسقالارى).