ءبىر جىل بۇرىن ىرىمشىل اتا-انالارى تاستاپ كەتكەن نيگەريالىق بالانى انيا رينگرەن لوۆەن داتتىق قايىرىمدىلىق ۇيىمى قۇتقارىپ قالعان. سول بالا مەكتەپ تابالدىرىعىن اتتادى.

2016 جىلدىڭ قاڭتار ايىندا لوۆەننىڭ ابدەن السىرەگەن بالاعا سۋ ىشكىزىپ تۇرعان فوتوسى جەلىگە تارالىپ كەتكەن. بالانىڭ تۋىستارى ونىڭ سىيقىرشى دەپ كۇدىكتەنىپ ۇيىنەن قۋىپ جىبەرگەن.

داتتىق لوۆەن كۇيەۋىمەن نيگەريانىڭ وڭتۇستىك-شىعىس بولىگىندە اشقان بالالار ۇيىنە حوۋپ ورنالاستىرىلعان.

 لوۆەننىڭ بالالار ۇيىنە بىرەۋ حابارلاسىپ، حوۋپ تۋرالى ايتىپ بەرگەن. «بالانىڭ جاسى 2-3-تە ەكەنىن بىلگەندە، بىردەن ىسكە كىرىستىك. كىشكەنتاي بالالار كوشەدە كوپ ءومىر سۇرە المايدى» دەيدى لوۆەن. ولار بالانى تاپقان. ول تويىپ تاماق جەمەگەننەن اۋىرىپ جۇرگەن. ال ونىڭ اعزاسى قۇرتقا تولىپ كەتكەن ەكەن.

وسى جىلدىڭ 30-شى  قاڭتارىندا لوۆەن ءبىر جىل بۇرىنعىداي سۋ ىشكىزىپ تۇرعان فوتوسىن جاريالادى. ودان 12 ايدا سالماق جيناپ، ءوسىپ قالعان بالانى بايقاۋعا بولادى. بالا ادەمى كيىنگەن.

«الەم حوۋپ ەسىمدى كىشكەنتاي بالا تۋرالى ءبىر جىل بۇرىن بىلگەن ەدى» دەپ جازدى لوۆەن ءوزىنىڭ Facebook پاراقشاسىنا.