پاريج ماڭىندا بىرنەشە كۇننەن بەرى نارازىلىق شاراسى ءوتىپ جاتىر دەپ حابارلايدى 24.kz. وعان پوليسەيلەردىڭ وزبىرلىعى سەبەپ. كولىكتەرمەن قوقىس جاشىكتەرىن ورتەگەن جاستاردى توقتاتۋ ءۇشىن پوليسەيلەر ارنايى قۇرال پايدالانىپ، اۋاعا وق اتقان. 30 بەلسەندى ۇستالدى. ونە-سۋ-بۋاداعى وقيعا سوڭى جانجالعا اكەپ سوقتىردى. ءتارتىپ ساقشىلارى تەو ەسىمدى ازاماتتى قۇرىقتاۋ كەزىندە كۇش قولدانىپ، ۇرىپ سوققىعا جىققان. ناتيجەسىندە ول اۋىر جاراقات الىپ، اۋرۋحاناعا ءتۇستى. ناۋقاستىڭ جاعدايىن ءبىلۋ ءۇشىن ەل پرەزيدەنتى فرانسۋا وللاندتىڭ ءوزى اۋرۋحاناعا باردى. وقيعاعا قاتىسى بار دەگەن پوليسەيلەرگە ايىپ تاعىلىپ وتىر.
پاريجدەگى شۋ مۇنىمەن بىتپەك ەمەس. فرانسيا استاناسىندا مەترودا جويقىن جارىلىس بولدى. جولاۋشىلار ەۆاكۋاسيالاندى. بۇل تۋرالى Mirror اگەنتتىگى حابارلادى. وقيعا يتاليا الاڭىنىڭ ماڭىندا بولعان. جارىلىسقا ەلەكتر قۋاتىنداعى اقاۋلار سەبەپ بولدى. الدىن الا بولجام بويىنشا جارىلىستان 8 ادام زارداپ شەكتى.
